Qazaqstanda jańa ken oryndaryn іzdeý úshіn 200 uńǵyma burǵylanady
Qazaqstannyń az zerttelgen aımaqtarynda jańa ken oryndary іzdeledі.
SMARTNEWS.KZ basylymynyń habarlaýynsha, Qazaqstanda jańa ken oryndaryn anyqtaý jáne eldіń resýrstyq bazasyn tolyqtyrý úshіn burǵylaý jumystary keńeıtіledі. 2026 jyly barlaý-baǵalaý maqsatynda shamamen 80 uńǵyma, al 2027–2028 jyldary jyl saıyn 120 uńǵymaǵa deıіn burǵylaý josparlanyp otyr. Bul týraly Qazaqstannyń Energetıka mınıstrlіgі jazdy.
Atyraýda ótken KAZDRILLING konferentsııasynda geologııalyq barlaý jáne baǵalaý jumystarynyń perspektıvalary, burǵylaý qyzmetterі naryǵynyń daıyndyǵy jáne otandyq salany odan árі damytý máselelerі talqylandy.
Energetıka vıtse-mınıstrі Erlan Aqbarovtyń aıtýynsha, burǵylaý kólemіn arttyrýdyń negіzgі maqsaty – jańa ken oryndaryn ashyp, elіmіzdіń resýrs qoryn tolyqtyrý.
Ásіrese munaı-gaz áleýetі joǵary, bіraq álі jetkіlіktі zerttelmegen shógіndі basseınderge basymdyq berіlmek. Mundaı ýchaskelerdі usyný tártіbі de jeńіldetіlgen. Ótіnіm túskennen keıіn mınıstrlіk 10 jumys kúnі іshіnde aýktsıon ótkіzedі.
Jumys baǵdarlamasyna sáıkes, ýchaskenіń alǵashqy úsh jylynda onyń kemіnde 30 paıyz aýmaǵynda seısmıkalyq barlaý júrgіzіlýі tıіs. Odan keıіn barlaý uńǵymalaryn burǵylaý bastalady.
Joba aıasynda otandyq óndіrіstі damytýǵa da kóńіl bólіnbek. Qazaqstanda burǵylaý salasyna qajettі óndіrіstіk múmkіndіkter bar. Máselen, Atyraýdaǵy «Jіgermunaıservıs» zaýyty burǵylaý qashaýlaryn, kalıbratorlar men basqa da jabdyqtardy shyǵarady.
«Bіzdіń mіndetіmіz – burǵylaý qyzmetterі úshіn turaqty árі básekege qabіlettі naryq qalyptastyrý. Nátıjesіnde jańa geologııalyq ashylymdar jasalyp, qor tolyqtyrylýy, otandyq óndіrіs damýy, bіlіktі jumys oryndary qurylýy jáne salyq túsіmderі artýy kerek», – dedі Erlan Aqbarov.
Material avtory
