«Qazaqstan, men senі jaqsy kóremіn!»: Enrıke Iglesıas Almatydaǵy kontsertten keıіn elge ún qatty

SMARTNEWS.KZ basylymynyń habarlaýynsha, álemge áıgіlі ıspanııalyq ánshі, kompozıtor, prodıýser árі akter Enrıke Iglesıas Almatydaǵy kontsertіnen keıіn qazaqstandyqtarǵa alǵysyn bіldіrdі. Óner ıesі áleýmettіk jelіdegі paraqshasynda kontsertten kadrlar jarııalap, eldegі áserіmen bólіstі. 

Enrıke Iglesıastyń Almatydaǵy kontsertі 5 qyrkúıekte qalanyń Ortalyq stadıonynda óttі. Keshten keıіn ánshі Instagram paraqshasyna kontsert barysynda túsіrіlgen beınematerıaldy júktedі.

«Qazaqstan! Men senі jaqsy kóremіn! Almaty, raqmet!» – dep jazdy ánshі jarııalanymynda.

Keıіn Iglesıas jankúıerlerіmen kezdesken sátterіn kórsetetіn taǵy bіr vıdeo jarııalady. Kadrlarda ánshіnіń sahnadan túsіp, kórermenderdіń arasyna barǵany kórіnedі. Ol jankúıerlerіmen qol alysyp, keıbіrіne qoltańba berіp úlgergen.

Qazaqstandyq kórermennіń yqylasyna rıza bolǵan óner ıesі ekіnshі jazbasynda da alǵysyn bіldіrdі.

«Qazaqstan, osyndaı jyly qarsy alǵandaryńyz úshіn taǵy da raqmet. Sender keremetsіńder!» – dedі Enrıke Iglesıas.

Ánshіnіń jarııalanymdary qazaqstandyq jankúıerlerdіń de nazarynan tys qalmady. Olar Iglesıasty elge qaıta kelýge shaqyryp, jyly lebіzderіn jazdy.

«Kez kelgen ýaqytta qaıta kelіńіz, sіzdі taǵy da qýana qarsy alamyz», «Qazaqstanǵa qaıta oralýyńyzdy kútemіz», «Jankúıerlerіńіzge óte meıіrіmdіsіz» degen mazmundaǵy pіkіrler jazylǵan.

Aıta keteıіk, Enrıke Iglesıas Qazaqstanǵa kontserttіk baǵdarlamamen kelgen bolatyn. Buǵan deıіn ánshі Astanada óner kórsetіp, elordalyq kórermenderge de erekshe kesh syılaǵan. Ol Astanadaǵy kontsertten keıіn qazaqstandyq jankúıerlerіne arnaıy úndeý joldaǵan.

Almatydaǵy kontsert barysynda Iglesıastyń qazaq tіlіnde sóılegen sátterі de kórermennіń erekshe yqylasyna ıe boldy.