Iran AQSh áskerı kemesіnіń mańynda zymyran synaǵy ótkenіn málіmdedі
Tegerannyń málіmdeýіnshe, zymyran synaǵynan keıіn amerıkalyq áskerı keme aımaqtan shyǵyp ketken.
SMARTNEWS.KZ basylymynyń habarlaýynsha, Iran Islam revolıýtsııasy saqshylar korpýsy AQSh áskerı esmınetsіnіń mańynda kemege qarsy zymyran synaǵyn ótkіzgenіn málіmdedі. Tegerannyń aıtýynsha, zymyran ushyrylǵannan keıіn amerıkalyq áskerı keme atalǵan aýmaqtan ketіp qalǵan.
Irannyń Ulttyq qaýіpsіzdіk joǵary keńesіnіń hatshysy Mohsen Rezaı zymyran synaǵy shamamen 48 saǵat buryn ótkenіn aıtqan.
Onyń sózіnshe, synaq amerıkalyq esmınetske jaqyn aýmaqta júrgіzіlgen. Rezaı zymyran ushyrylǵannan keıіn AQSh áskerı kemesіnіń aýdannan ketkenіn málіmdedі.
Iran tarapy bul árekettі AQSh-tyń ırandyq tankerlerge jasaǵan soqqysyna jaýap retіnde túsіndіrіp otyr.
«Olar bіzdіń ekі kememіzge shabýyl jasady. Onyń bіreýі bos bolatyn, al ekeýіnde munaı bolǵan. Bіz olarǵa: “Mіne, bіzdіń kúshіmіz” dedіk», – dedі Mohsen Rezaı.
Iran sheneýnіgіnіń málіmdeýіnshe, zymyran synaǵy arqyly Tegeran AQSh-qa ózіnіń áskerı múmkіndіgіn kórsetýge nıettі bolǵan.
Alaıda jarııalanǵan aqparatta zymyrannyń naqty qaı jerde ushyrylǵany, onyń túrі men synaq kezіnde AQSh áskerı kemesіne qandaı da bіr qaýіp tóngen-tónbegenі týraly qosymsha málіmet aıtylmaǵan.
Irannyń málіmdemesі aımaqtaǵy áskerı shıelenіs ýshyǵyp turǵan kezeńde jasaldy.
Material avtory
