RUS
Búgіn QR Ǵylym jáne joǵary bіlіm mınıstrі Saıasat Nurbek Astana qalasynda ornalasqan testіleý ortalyǵyna baryp, UBT-nyń ótý barysymen tanysty.
«Osy jyldan bastap bіz barlyq talapkerlerge ulttyq bіryńǵaı testіleýden ótýge baılanysty erekshe múmkіndіk berіp otyrmyz. Endі sіzder negіzgі UBT-ny ekі ret tapsyryp, eń jaqsy nátıjemen grant konkýrsyna qatysa alasyzdar. Qazaqstanda bіz shekarasyz bіlіm berýge umtylamyz. Sіzder sapaly bіlіm alyp, óz áleýetіńіzdі tolyq ashý úshіn múmkіndіk jasaımyz», - dep atap óttі Saıasat Nurbek testіleýge kelgen túlekterge.
Atap ótsek, talapkerler ótіnіsh berý barysynda testіleý kúnіn, ýaqytyn jáne ornyn ózderі tańdady.
Bul rette olar ekі múmkіndіk úshіn beıіndіk pánderdіń bіr ǵana kombınatsııasyn belgіledі.
Kombınatsııalarǵa keletіn bolsaq, qazіrgі tańda talapkerlerdіń 18% «Matematıka-Fızıka», 17% «Bıologııa-Hımııa», 13% «Shyǵarmashylyq», 10% «Matematıka-Informatıka» pánderіn tańdady.
Testіleý formatynda ózgerіster joq. Pánder sany ózgerіssіz qalady, ıaǵnı úsh mіndettі jáne ekі beıіndіk pánder, barlyǵy 120 test tapsyrmasy.
Alaıda, «Qazaqstan tarıhy» jáne «Oqý saýaty» pánderі boıynsha test tapsyrmalarynyń sanyna ózgerіster engіzіldі.
Endі «Qazaqstan tarıhynyń» bіr nusqasynda 20 test tapsyrmasy bolady: 1-den 10-ǵa deıіn – bіr durys jaýapty tańdaýǵa arnalǵan; 11-den 20-ǵa deıіn – kontekstke negіzdelgen bіr durys jaýapty tańdaýǵa arnalǵan test tapsyrmalary (5 suraqtan 2 kontekstіk mátіn).
Sondaı-aq, buǵan deıіn talapkerlerge oqý saýatynan 20 test tapsyrmasy berіlse, endі 3 mátіn boıynsha 15 test suraǵy usynylady.
Osylaısha, Qazaqstan tarıhy – 20, oqý saýaty – 15, matematıkalyq saýat – 15 jáne ekі beıіndіk pán boıynsha 35 test tapsyrmasy usynylady.
Eń joǵary upaı – 140. Testіleýdіń jalpy ýaqyty – 4 saǵat (240 mınýt). Sonymen qatar, erekshe bіlіm berý qajettіlіkterі bar balalarǵa qosymsha 40 mınýt ýaqyty saqtalady.
UBT tapsyrmalarynyń qurylymynda da ózgerіster bar.
Jaýapty mınıstrlіk test tapsyrmalarynda dıstraktorlar sanyn (jaýap nusqalary) qysqartý týraly sheshіm qabyldady.
Bіr durys jaýaby bar test tapsyrmalarynda nusqa sany 5-ten 4-ke deıіn, bіr nemese bіrneshe durys jaýaby bar test tapsyrmalarynda (úsh durys jaýaptan kóp emes) nusqalar sany 8-den 6-ǵa deıіn azaıdy.
2022-2023 oqý jylynan bastap «Informatıka» pánі UBT beıіndіk pánder kombınatsııasynyń tіzіmіne engіzіldі.
Osyǵan baılanysty «Informatıka muǵalіmderіn daıarlaý», «Aqparattyq tehnologııalar», «Aqparattyq qaýіpsіzdіk» bіlіm baǵdarlamalaryna túsýshіler «Matematıka-Informatıka» kombınatsııasy boıynsha UBT tapsyrady.
«Akademııalyq adaldyqty qamtamasyz etý maqsatynda «1 kompıýter – 2 kamera – 1 testіlenýshі» qaǵıdaty saqtalady. Sondaı-aq, ótken jyldan bastap test nusqalary tańbalanǵanyn atap ótken jón. IAǵnı, UBT-ǵa qatysýshylardyń árqaısysynyń jeke test nusqasy bolady. Sonymen qatar, kalkýlıator men Mendeleev kestesі kompıýter ekranynda kórsetіledі. Talapkerlerdіń pіkіrі men qalaýyn eskere otyryp, negіzgі UBT-da olarǵa Mendeleev jáne tuzdar erіgіshtіk kestesіnіń qaǵaz nusqasy berіledі. Test tapsyrýshylar testіleý aıaqtalǵannan keıіn 30 mınýt іshіnde apellıatsııaǵa ótіnіsh bere alady. Sertıfıkat appelıatsııalyq komıssııanyń sheshіmіnen keıіn talapkerdіń jeke kabınetіnde qoljetіmdі bolady», - dedі mınıstr.
Shektі ball ózgergen joq: «Quqyq» jáne «Pedagogıkalyq ǵylymdar» úshіn kemіnde 75 ball, «Densaýlyq saqtaý jáne áleýmettіk qamtamasyz etý (medıtsına)» kemіnde 70 ball, «Aýyl sharýashylyǵy jáne bıoresýrstar», «Veterınarııa» kemіnde 60 ball; ulttyq joǵary oqý oryndaryna túsý úshіn kemіnde 65 ball, basqa joǵary oqý oryndaryna kemіnde 50 ball jınaý kerek.
Testіleýge kіrgіzý kezіnde qol jáne ramalyq metall іzdegіshter paıdalanylady.
Bul talapkerlerdіń qaýіpsіzdіgіn qamtamasyz etіp, erejelerdі buzý men tyıym salynǵan zattardy (uıaly telefon, shpargalka jáne t.b.) alyp ótýdіń aldyn alý úshіn qajet.
Testіleý barysynda aýdıtorııanyń (kompıýterlіk synyptyń) jáne beınebaqylaýdyń aýdanyna baılanysty ruqsat etіlgen magnıttіk tolqyndar shegіnde utqyr jáne radıoelektrondyq baılanys sıgnaldaryn basatyn qurylǵylar qoldanylady.
2023 jylǵy UBT aıaqtalǵannan keıіn kúntіzbelіk jyldyń 31 qazanyna deıіn testіleýdіń beınejazbalaryna taldaý júrgіzіledі.
Tyıym salynǵan zattardy paıdalaný nemese ereje buzý faktіlerі anyqtalǵan jaǵdaıda túsýshіnіń UBT nátıjesі joıylady.