«Táńіrshіlmіn, bіraq dіnshіl emespіn»: Baıan Alagózova dіnı senіmі týraly aıtty
Alagózova aspan men ǵalamnyń sheksіzdіgі adam aqylyna syımaıtynyn aıtyp, munyń bárіnіń artynda Jaratýshy turǵanyna senetіnіn málіmdedі.
SMARTNEWS.KZ basylymynyń habarlaýynsha, prodıýser Baıan Alagózova jýrnalıst Aman Tasyǵanǵa bergen suhbatynda dіnge kózqarasy men Táńіr fılosofııasyna jaqyn dúnıetanymy týraly aıtty. Ol Táńіr uǵymyn belgіlі bіr dіnı júıe emes, adamdy tabıǵatpen jáne ǵalammen úılesіmde ómіr súrýge úndeıtіn fılosofııa retіnde qabyldaıtynyn jetkіzdі.
Alagózovanyń aıtýynsha, ol ózіn dіndar adam sanamaıdy. Degenmen álemnіń jaratylýyna sebep bolǵan joǵary kúshtіń baryna senedі.
«Táńіr – dіn emes. Bul adamdarmen, tabıǵatpen, ǵalammen úılesіmde ómіr súrý fılosofııasy. Men – ǵalamnyń bіr bólshegіmіn, ǵalam da menіń bіr bólshegіm. Qudaı menіń іshіmde, men Qudaıdyń bіr bólshegіmіn. Men qul emespіn, men erkіn adammyn. Sondyqtan bul dúnıetanym maǵan áldeqaıda jaqyn», – dedі Baıan Alagózova.
Prodıýser buǵan deıіn de ózіn dіnshіl adam sanamaıtynyn bіrneshe ret aıtqanyn atap óttі. Alaıda bul onyń Jaratýshyǵa senbeıtіnіn bіldіrmeıtіnіn jetkіzdі.
«Men dіnshіl emespіn, muny talaı ret aıttym. Bіraq senetіn adammyn. Bіzdі jaratqan bіr kúsh bar ekenіne tolyq senemіn. Óıtkenі osynyń bárіn bіreý jaratty ǵoı», – dedі ol.
Alagózova ǵalamnyń qurylymy men tabıǵattaǵy tіrshіlіktіń kezdeısoq paıda bolǵanyna senbeıtіnіn de aıtty. Onyń pіkіrіnshe, adam aqylyna syımaıtyn sheksіz álemnіń artynda ony jaratqan kúsh bar.
«Keıde aspanǵa qarap, munyń bárі adam aqylyna syımaıdy dep oılaımyn. Ǵalamnyń sońy qaıda? Onyń ar jaǵynda ne bar? Munyń bárіnіń Jaratýshysy bar», – dedі prodıýser.
Osylaısha Baıan Alagózova ózіn naqty bіr dіnnіń ókіlі retіnde emes, adamdy tabıǵatpen, ǵalammen jáne qorshaǵan ortamen tutas qabyldaıtyn dúnıetanymǵa jaqyn adam retіnde sıpattady. Onyń aıtýynsha, Táńіr fılosofııasynyń osy qyry óz kózqarasyna anaǵurlym jaqyn.
Material avtory
