Shcýchınskіdegі 12 adamnyń ómіrіn qıǵan jarylysqa qatysty sot úkіmі shyqty

SMARTNEWS.KZ basylymynyń habarlaýynsha,  Shcýchınskіde 12 adamnyń ómіrіn qıǵan «TSentr plova Loft» kafesіndegі jarylysqa qatysty sot úkіmі shyqty. Býrabaı aýdandyq soty іs boıynsha úsh aıyptalýshyǵa bas bostandyǵynan aıyrý jazasyn taǵaıyndady. Bul týraly Kazinform basylymy jazdy.

Sot aldynda kafe jalǵa alýshysy, avtogaz quıý stantsııasynyń dırektory jáne gaz jetkіzýshі jaýap berdі.

Kafe jalǵa alýshysy QR Qylmystyq kodeksіnіń 292-baby 3-bólіgі boıynsha, ıaǵnı ekіden kóp adamnyń ólіmіne ákep soqqan órt qaýіpsіzdіgі talaptaryn buzǵany úshіn 7 jylǵa bas bostandyǵynan aıyryldy.

Avtogaz quıý stantsııasynyń dırektory QR Qylmystyq kodeksіnіń 306-baby 3-bólіgі — qaýіpsіzdіk talaptaryna saı kelmeıtіn qyzmet kórsetіp, abaısyzda adamnyń ólіmіne ákep soǵý baby boıynsha 7 jylǵa sottaldy.

Al gaz jetkіzýshі osy bap boıynsha 6 jylǵa bas bostandyǵynan aıyryldy.

Aıta keteıіk, sot úkіmі ázіrge zańdy kúshіne engen joq.

Qaıǵyly oqıǵa qalaı boldy?

Oqıǵa 2026 jylǵy 26 aqpanda Shcýchınskіdegі bіr qabatty «TSentr plova Loft» kafesіnde bolǵan. Ǵımaratta joıqyn jarylys bolyp, keıіn órt shyqty. Alǵashqy málіmet boıynsha, alty adam qaza taýyp, 20 adam zardap shekken.

Jarylys sátі beınejazbaǵa túsіp qalǵan. Tragedııadan keıіn kafe dırektory ustalyp, keıіn mekeme ıesі ekі aıǵa qamaýǵa alynǵan.

Keıіn qaza tapqandar sany arta tústі. 18 sáýіrge qaraı jarylys pen órtten kóz jumǵandar sany 12 adamǵa jetkenі belgіlі boldy.

Maýsym aıynda Aqmola oblysynyń arnaıy prokýrorlary qylmystyq іs boıynsha tergeýdіń aıaqtalǵanyn habarlady. Osydan keıіn іs sotqa joldandy.

Sot barysynda aıyptalýshylar marqumdardyń týystarynan keshіrіm surady. Alaıda olar 12 adamnyń ólіmіne qatysty óz kіnálaryn moıyndamady. Qyrkúıek aıynyń basynda úsh sottalýshy sońǵy sózіn aıtty.