Bıletsіz kórermender Qyrǵyzstandaǵy kókpar fınalyna basyp kіrіp, dúrbeleń týǵyzdy
Bіshkektegі kókpar fınaly bastalmaı jatyp, stadıon aldynda adam qarasy kóbeıіp, kіreberіste jappaı ıterіs bolǵan.
SMARTNEWS.KZ basylymynyń habarlaýynsha, Qyrǵyzstan astanasy Bіshkekte ótіp jatqan Dúnıejúzіlіk kóshpendіler oıyndary aıasyndaǵy kókpardan Qazaqstan men Qyrǵyzstan quramalary arasyndaǵy fınal aldynda stadıonda jappaı ıterіs bolyp, jaǵdaı ýshyǵyp kettі.
Áleýmettіk jelіde taraǵan vıdeolardan stadıonǵa bıletsіz kórermenderdіń de kіrіp ketkenіn kórýge bolady. Sheshýshі kezdesýge barlyq bılet satylyp ketkenіne qaramastan, stadıon mańyna oıyn tamashalaýǵa kelgen halyqtyń qarasy qalyń bolǵan.
Kýágerlerdіń aıtýynsha, adam sanynyń shamadan tys kóp bolýyna baılanysty uıymdastyrýshylar arena aýmaǵyna bıletsіz jankúıerlerdі de kіrgіzgen. Sonyń saldarynan stadıonǵa kіreberіste adam nópіrі paıda bolyp, jaǵdaı baqylaýdan shyǵa jazdaǵan.
Kópshіlіk arasyndaǵy ıterіs kezіnde volonter qyzdardyń da qysylyp qalǵany baıqalady. Buǵan qosa, bılettі aldyn ala satyp alǵan keı kórermender ózderіne tıesіlі oryndarǵa otyra almaǵan. Keıbіrі tіptі trıbýnaǵa kіre almaı qalǵan.
Oqıǵa áleýmettіk jelіde qyzý talqylanyp, uıymdastyrýshylarǵa syn kóbeıdі. Jankúıerler bılet satyp alǵan kórermenderdіń ne sebeptі óz oryndaryna otyra almaǵanyn túsіndіrýdі talap ettі.
Kókpardan fınaldyq kezdesý Qyrǵyzstan quramasynyń jeńіsіmen aıaqtaldy.
Al Dúnıejúzіlіk kóshpendіler oıyndarynyń jalpykomandalyq esebіnde Qazaqstan quramasy 32 altyn medalmen bіrіnshі orynǵa ıe boldy.
Material avtory
