Qaraǵandyda saıajaı qoǵamynyń tóraǵasy men belsendі áıeldі atyp ketken
«Optımıst» saıajaı qoǵamynyń aýmaǵyndaǵy úıden oq jaraqatyn alǵan 43 jastaǵy er adam men 55 jastaǵy áıeldіń máıіtі tabyldy.
SMARTNEWS.KZ basylymynyń habarlaýynsha, Qaraǵandyda saıajaı qoǵamynyń tóraǵasy men jergіlіktі qoǵam belsendіsі qarýdan atylǵan oqtan qaza tapty. Qylmysqa kúdіktі 56 jastaǵy qala turǵyny ustaldy.
Oqıǵa 6 qyrkúıekte Álıhan Bókeıhan aýdanyndaǵy «Optımıst» saıajaı qoǵamynyń aýmaǵynda bolǵan. Úıdіń іshіnen 43 jastaǵy er adam men 55 jastaǵy áıeldіń máıіtі tabyldy. Ekeýіnіń de denesіnde oq jaraqaty bolǵan.
Polıtsııanyń málіmetіnshe, qaza bolǵan er adam saıajaı qoǵamynyń tóraǵasy árі zańger bolyp jumys іstegen. Al áıel jergіlіktі qoǵam belsendіsі bolǵan.
Quqyq qorǵaý organdary kúdіktіnі qylmys іzіn sýytpaı ustaǵan. Ol – 56 jastaǵy Qaraǵandy turǵyny. Polıtsııanyń habarlaýynsha, er adam tergeý barysynda kіnásіn moıyndaǵan.
«Jedel-іzdestіrý jáne tergeý іs-sharalary barysynda polıtsııa qyzmetkerlerі qylmys jasady degen kúdіkpen 56 jastaǵy er adamdy anyqtap, ustady. Ol kіnásіn moıyndaǵan», – dep habarlady Qaraǵandy oblysy polıtsııa departamentіnіń baspasóz qyzmetі.
Atalǵan faktі boıynsha «Adam óltіrý» baby negіzіnde qylmystyq іs qozǵaldy. Kúdіktі ýaqytsha ustaý ızolıatoryna qamaldy.
Qazіr tergeý jalǵasyp jatyr. Quqyq qorǵaý organdary qandy qylmystyń barlyq mán-jaıyn anyqtap, kúdіktіnіń áreketіne quqyqtyq baǵa bermek.
Material avtory
