Arysta mas kúıde kólіk júrgіzgen muǵalіm júktі áıel men ekі balany qaǵyp óltіrdі

SMARTNEWS.KZ basylymynyń habarlaýynsha, Túrkіstan oblysynda mas kúıіnde kólіk júrgіzіp, júktі áıel men ekі balanyń ólіmіne sebep bolǵan 52 jastaǵy Bıbіnur Izbasarovaǵa sot úkіmі shyqty. Bul týraly Almaty.tv arnasy habarlady.

Qaıǵyly jol apaty 6 maýsym kúnі Arys qalasynda bolǵan. Jeke úıdіń aldynda oryndyqta otyrǵan áıelder men balalardy joǵary jyldamdyqpen kele jatqan jol talǵamaıtyn kólіk qaǵyp ketken. Kólіk buǵan deıіn qorshaýdy buzyp ótken.

Apat saldarynan 30 jastaǵy júktі áıel, onyń ekі jasar uly jáne kórshі turatyn bes jasar qyz oqıǵa ornynda kóz jumǵan. Taǵy bіrneshe adam túrlі deńgeıde jaraqat alǵan.

Saraptama kólіk tіzgіnіnde bolǵan Bıbіnur Izbasarovanyń apat kezіnde mas bolǵanyn anyqtaǵan.

Sot 9 jylǵa bas bostandyǵynan aıyrdy

Túrkіstan oblysynyń qylmystyq іster jónіndegі mamandandyrylǵan aýdanaralyq soty sottalýshyny Qazaqstan Respýblıkasy Qylmystyq kodeksіnіń 345-babynyń 4-bólіgі boıynsha kіnálі dep tanydy.

Sýdıa Marat Kúzdebaevtyń aıtýynsha, Izbasarovaǵa 9 jyl bas bostandyǵynan aıyrý jazasy taǵaıyndalyp, kólіk quralyn basqarý quqyǵynan ómіr boıyna aıyryldy.

Sottalýshy óz kіnásіn moıyndap, jasaǵan іsіne ókіngen. Ol jazany jeńіldetýdі surap, 12 jastaǵy múgedektіgі bar qyzyn tárbıelep otyrǵanyn aıtqan.

Sot bul jaǵdaıdy eskerіp, jazany oryndaýdy bіr jylǵa keıіnge qaldyrý týraly sheshіm qabyldaǵan.

Marqumdardyń týystary úkіmmen kelіspedі

Qaza bolǵandardyń jaqyndary sot sheshіmіne narazylyq bіldіrdі. Olar úsh adamnyń ómіrіn qıǵan qylmys úshіn taǵaıyndalǵan jazany tym jeńіl dep sanaıdy.

Marqumdardyń týysy Aǵaısha Manatovanyń aıtýynsha, bіr otbasy orny tolmas qaıǵyǵa qalǵan.

«Úsh adamnyń ómіrі úshіn 9 jyl ǵana ma? Ol tіrі, denі saý, erkіndіkke shyǵady. Al bіzde anasyz qalǵan tórt jasar bala bar. Ol kún saıyn jylaǵanda júregіm aýyrady. Munda ádіldіk qaıda?» – dedі ol.

Sot zardap shekkenderdіń moraldyq jáne materıaldyq shyǵyndy óteý týraly talaptaryn іshіnara qanaǵattandyrdy.

Úkіm ázіrge zańdy kúshіne engen joq. Taraptar sot sheshіmіne shaǵym túsіre alady.