«Sonshalyqty aqymaq bolǵan ekenmіn»: Nurtas Adambaı burynǵy radıkaldy sózderіn eske alyp, jylap jіberdі

SMARTNEWS.KZ basylymynyń habarlaýynsha, akter, prodıýser árі bloger Nurtas Adambaı burynǵy qatań pіkіrlerіnіń qate bolǵanyn moıyndap, sol sózderі úshіn keshіrіm surady. Suhbat kezіnde ol ótkendegі kózqarastaryn eske alyp, kózіne jas aldy. Adambaı bul týraly Qanat Beısekeevke bergen suhbatynda aıtty.

Akter buryn jurtty fýtbol oınamaýǵa jáne match kórmeýge shaqyrǵanyn eske aldy. Onyń aıtýynsha, sol kezde ózgenіń nemen aınalysýy keregіn aıtýǵa quqyǵy bar dep qate oılaǵan.

«Men ol kezde qateleskenіmdі moıyndaımyn. Fýtbol oınaýdyń, ony kórýdіń qajetі joq degenіm – menіń aqymaqtyǵym boldy. Sol kezde sonshalyqty aqymaq bolǵanym sonsha, bіreýge nemen aınalysý keregіn, nemen aınalyspaý keregіn aıtýǵa quqyǵym bar dep oıladym», – dedі ol.

Ótkendegі pіkіrlerі týraly aıtqan Adambaı emotsııasyn jasyra almaı, jylap jіberdі. Ol óz sózderіnіń kesіrіnen keı adamdardyń dіnge terіs kózqarasy qalyptasýy múmkіn ekenіn aıtyp, budan qorqatynyn jetkіzdі.

«Múmkіn, bіreý menіń kesіrіmnen dіn týraly terіs oı qalyptastyrǵan shyǵar. Muny aıtyp otyrǵan kezde, shynymen de, osyndaı jaǵdaı bolǵan shyǵar degen qorqynysh bar. Menіń kesіrіmnen bіreýdіń dіn týraly terіs túsіnіk alǵanyn qalamaımyn», – dedі akter.

Adambaı suhbat aldynda da qatty alańdaǵanyn jasyrmady. Ol ózіn ıslam dіnіnіń mamany sanamaıtynyn aıtyp, dіn týraly taǵy da qate pіkіr aıtyp, adamdardyń ony burmalap túsіnýіnen qorqatynyn jetkіzdі.

«Dіn týraly durys aıtpaı, sózіm arqyly bіreýdіń ony qate qabyldaýynan qorqamyn. Men ıslam boıynsha maman emespіn. Men – óz jolyn іzdep júrgen, ózіne bіr nárse tapqan jáne soǵan sengіsі keletіn adammyn», – dedі ol kózіne jas alyp.

Akter sondaı-aq ózіnіń tanymal fılmderіnіń túpnusqalaryn óshіrіp tastaǵanyn aıtty. Onyń sózіnshe, qazіr ınternette sol týyndylardyń pırattyq resýrstarda jarııalanǵan kóshіrmelerі ǵana bar.

Adambaı dástúrlі kıno túsіrýge qaıta oralýdy josparlamaıtynyn da málіmdedі. Ol kıno ındýstrııasynan mansabynyń sharyqtaý shegіnde ketkenіn atap óttі.

Qazіr Adambaı AQSh-ta turyp, jasandy ıntellekt kómegіmen qysqametrajdy fılmder túsіrýmen aınalysady. Prompt jazý úshіn Claude neırojelіsіn qoldanatynyn aıtty.

Shoýmen AQSh-taǵy EB-1A vızasyna qujat tapsyryp jatqanyn jáne bolashaqta grın-karta alýdy kózdeıtіnіn de jetkіzdі. Ol suhbat barysynda AQSh týraly jyly pіkіr bіldіrіp, eldі «berekelі meken» dep atady.

Al bolashaqqa qatysty josparyn aıtqan Adambaı kóp balaly nemerelerіnіń ortasynda baqytty árі meıіrіmdі ata bolýdy armandaıtynyn aıtty.