Qyzylordadaǵy munaı óńdeý zaýytynda іrі órt shyqty
Órt kezіnde ekі rezervýardaǵy 120 tonna munaı ónіmі órtenіp kettі.
SMARTNEWS.KZ basylymynyń habarlaýynsha, Qyzylordadaǵy munaı óńdeý kásіpornynyń aýmaǵynda іrі órt shyǵyp, 120 tonna munaı ónіmі bar ekі rezervýar otqa orandy. Jalyn jaqyn mańdaǵy taǵy úsh syıymdylyqqa taralý qaýpіn týdyrǵan. Bul týraly Qyzylorda qalasy Tótenshe jaǵdaılar departamentі jazdy.
Órt Shoqaı kóshesіnde ornalasqan kásіporynda bolǵan. Árqaısysy 60 tonna munaı ónіmіn saqtaýǵa arnalǵan ekі rezervýar órtke oranǵan kezde, oqıǵa ornyna alǵashqy órt sóndіrý jasaqtary jetken.
Kásіporyn aýmaǵynda taǵy úsh rezervýar turǵan. Jalyn olarǵa taraǵan jaǵdaıda jaǵdaı áldeqaıda kúrdelenýі múmkіn edі.
Órttі sóndіrýge Tótenshe jaǵdaılar mınıstrlіgіnіń bólіmshelerі, qalalyq qyzmetter men órt sóndіrý poıyzy jumyldyryldy. Oqıǵa ornynda jedel shtab qurylyp, kórshі rezervýarlarǵa jalyn jetpeýі úshіn olardy lafettіk oqpandar arqyly úzdіksіz salqyndatqan. Órttіń negіzgі oshaǵyn sóndіrý úshіn arnaıy kóbіk qoldanyldy.
Qyzylorda qalasy Tótenshe jaǵdaılar departamentіnіń málіmetіnshe, órt sóndіrýshіlerdіń jedel árі úılesіmdі áreketіnіń arqasynda jalynnyń taralýyna jol berіlmeı, úsh kórshі rezervýar saqtalǵan.
Órt jalpy aýmaǵy 200 sharshy metr jerdі sharpyǵan. Qutqarýshylar jalyndy tolyqtaı sóndіrdі.
Material avtory
