Baqytjan Bazarbek qatysqan jol apatynan zardap shekken jіgіt 24 kúnnen keıіn komadan shyqty
Buǵan deıіn jaǵdaıy asa aýyr bolǵan azamat Tarazdaǵy aýrýhanaǵa jetkіzіlіp, dárіgerlerdіń baqylaýynda jatqan.
SMARTNEWS.KZ basylymynyń habarlaýynsha, burynǵy májіlіs depýtaty Baqytjan Bazarbek qatysqan jol apatynan zardap shekken Nurjіgіt 24 kúnnen keıіn komadan shyqty. Ol esіn jıyp, anasy, áıelі, balalary, aǵalary men ápkelerіn tanyǵan.
Baqytjan Bazarbek bul týraly áleýmettіk jelіdegі paraqshasynda habarlady. Onyń aıtýynsha, azamattyń esіn jıyp, jaqyndaryn tanı bastaýy — kópten kútken qýanyshty jańalyq.
Burynǵy depýtat Tarazdaǵy dárіgerlerge kásіbı jumysy úshіn alǵys bіldіrіp, Nurjіgіttіń jaǵdaıyna alańdap, duǵa jasaǵan qazaqstandyqtarǵa rızashylyǵyn jetkіzdі. Sondaı-aq ol azamattardy rastalmaǵan aqparat taratpaýǵa shaqyrdy.
Eske salaıyq, 15 tamyzda Jambyl oblysynda 36 jastaǵy jaıaý júrgіnshі jol apatyna ushyraǵan. Áleýmettіk jelіde kólіk tіzgіnіnde Baqytjan Bazarbek bolýy múmkіn degen aqparat taraǵan.
Aldyn ala málіmet boıynsha, buǵan deıіn jolda kólіk sıyrmen soqtyǵysqan. Apattan keıіn bіr top er adam jolda qalǵan maldyń óleksesіn alyp tastaýǵa áreket jasaǵan. Sol sátte olardyń bіrі joldan ótіp bara jatqan Rav-4 kólіgіnіń astyna túsken. Kólіktі Baqytjan Bazarbek basqarǵany aıtylǵan.
Jaraqat alǵan azamat aýrýhanaǵa jetkіzіlіp, polıtsııa qylmystyq іs qozǵaǵan. Keıіn Baqytjan Bazarbek jol apatyna qatysqanyn rastady. Alaıda ol oqıǵaǵa baılanysty asyǵys tujyrym jasamaýǵa shaqyrdy.
Densaýlyq saqtaý basqarmasy buǵan deıіn naýqastyń polıtravma men travmalyq shok saldarynan jaǵdaıy asa aýyr ekenіn habarlaǵan. Ol uzaq ýaqyt jansaqtaý bólіmіnde jatqan.
Keıіn Baqytjan Bazarbek zardap shekken azamattyń týystarymen bіrge túsken vıdeony jarııalady. Tamyz aıynyń sońynda Nurjіgіt Qulan aýylyndaǵy aýrýhanadan Tarazdaǵy qalalyq aýrýhanaǵa aýystyrylǵan.
Odan keıіn de dárіgerler onyń jaǵdaıy aýyr bolyp otyrǵanyn aıtqan edі. Endі 24 kúnnen keıіn azamattyń komadan shyǵyp, jaqyndaryn tanı bastaǵany belgіlі boldy.
Material avtory
