Astanada qyz bala marǵaýdy jіpke baılap súıregen: vıdeo jurttyń ashýyn týǵyzdy
Janýardyń jaǵdaıyna alańdaǵan kýágerdіń jazbasy áleýmettіk jelіde tarap, polıtsııa bul jaǵdaıǵa nazar aýdardy.
SMARTNEWS.KZ basylymynyń habarlaýynsha, Astanada kіshkentaı marǵaýdy moınyna jіp baılap, kóshede súırep júrgen qyzdyń áreketі vıdeoǵa túsіp qaldy. Jelіde taraǵan kadrlar jurttyń ashýyn týǵyzyp, polıtsııa tekserý bastady.
Oqıǵa Qordaı kóshesіnde bolǵan. Kýágerdіń aıtýynsha, qyz joldan ótіp bara jatqanda janýardyń moınyna jіp baılanǵany baıqalǵan. Ol marǵaýdy jetektep qana qoımaı, jіpten tartyp, sońynan súıregen.
Janýardyń jaǵdaıyna alańdaǵan kýáger bolǵan jaıtty vıdeoǵa túsіrіp, aqparatty quqyq qorǵaý organdaryna jetkіzgen.
Astana qalasynyń Polıtsııa departamentі vıdeodaǵy qyzdyń jeke basyn anyqtaý boıynsha tekserý júrgіzіlіp jatqanyn habarlady.
«Bul derek boıynsha qyzdyń jeke basyn anyqtaý maqsatynda tekserý júrgіzіlіp jatyr. Tekserý nátıjesіne qaraı onyń áreketіne Qazaqstan Respýblıkasynyń qoldanystaǵy zańnamasyna sáıkes quqyqtyq baǵa berіledі», – dedі polıtsııa.
Oqıǵanyń ózge mán-jaılary ázіrge belgіsіz. Polıtsııa tekserý qorytyndysy boıynsha naqty sheshіm qabyldaıdy.
Material avtory
