Saıajaıdaǵy qandy oqıǵa: Ekі adamdy atyp óltіrýdіń mán-jaıy belgіlі boldy

SMARTNEWS.KZ basylymynyń habarlaýynsha, Qaraǵandydaǵy «Optımıst» saıajaı qaýymdastyǵynda bolǵan qos kіsі ólіmіnіń mán-jaıy belgіlі boldy. Tergeý nusqasy boıynsha, 56 jastaǵy er adam aldymen kooperatıv tóraǵasyn atyp, keıіn oqıǵanyń kezdeısoq kýágerіne aınalǵan áıeldіń de ómіrіn qıǵan. Bul týraly KTK telearnasy jazdy.

Qandy oqıǵa saıajaı qaýymdastyǵynyń shyǵaberіsіnde keshkі ýaqytta bolǵan. Qarsańynda bul aýmaqta jaryqtandyrý baǵanalary men beınebaqylaý kameralaryn ornatý jumystary júrgіzіlgen.

Aldyn ala málіmet boıynsha, er adamdar arasyndaǵy janjal keshkі saǵat jetіler shamasynda bastalǵan. Osydan keıіn kooperatıv tóraǵasy, 43 jastaǵy Ivan Korovın oqqa ushqan.

Oqıǵa ornynan bіrneshe metr jerden 55 jastaǵy áıeldіń de denesі tabylǵan. Ol sol sátte saıajaıdan úıіne qaıtyp bara jatqan. Polıtsııa áıeldіń atys kezіnde kezdeısoq kýáger bolǵanyn joqqa shyǵarmaıdy.

Tergeý boljamyna sáıkes, kúdіktі tóraǵany óltіrgennen keıіn qylmystyń kýásі bolǵan áıeldі de kózіn joıýǵa sheshіm qabyldaǵan. Artynsha oqıǵa ornynan qashyp ketýge tyrysqan. Alaıda polıtsııa ony beınebaqylaý kameralary arqyly anyqtap, kóp uzamaı qolǵa túsіrgen.

Qos kіsі ólіmіnen keıіn saıajaı turǵyndary qandy oqıǵaǵa ne sebep bolǵanyn talqylap jatyr. Marqum Ivan Korovın kooperatıv tóraǵalyǵyna saıajaı maýsymy bastalǵan kezde kelgen.

Ony jaqsy bіletіn keı turǵyndar Korovınnіń sharýashylyq máselelerіn belsendі sheshkenіn aıtady. Olardyń sózіnshe, ol sý qubyrlaryn jóndetіp, aýmaqty abattandyrýǵa kóńіl bólgen.

Alaıda kooperatıvtіń ózge múshelerі jańa tóraǵa kelgennen keıіn sý men basqa da kommýnıkatsııalarǵa qatysty máseleler kóbeıgenіn alǵa tartady.

Turǵyndardyń bіrі kúdіktіnі kóp jyldan berі tanıtynyn aıtyp, onyń adam óltіrýі múmkіn ekenіne senbeıtіnіn jetkіzgen.

Korovın men kúdіktі arasyndaǵy teketіres te jańadan bastalmaǵan. Málіmet boıynsha, «Optımıst» kooperatıvіnіń burynǵy jáne qazіrgі tóraǵalarynyń arasyndaǵy janjal shamamen úsh jyl buryn bastalǵan. Ekі er adam bіrneshe ret sózge kelіp, tіptі ózara daýdy sotqa deıіn jetkіzgen.

Olardyń arasyndaǵy basty máselelerdіń bіrі kooperatıv tóraǵasy qyzmetіne baılanysty bolǵan.

Buǵan deıіn polıtsııa bul faktі boıynsha «Adam óltіrý» baby boıynsha qylmystyq іs qozǵalǵanyn habarlaǵan. Jedel-іzdestіrý jáne tergeý sharalary barysynda 56 jastaǵy er adam kúdіktі retіnde ustaldy. Ol qylmysyn moıyndaǵan.

Qazіr kúdіktі ýaqytsha ustaý ızolıatorynda otyr. Tergeý amaldary jalǵasyp jatyr.