Ǵalymdar qartaıýdy baıaýlatýdyń jańa jolyn tapty: preparatty jasandy ıntellekt jasaǵan

SMARTNEWS.KZ basylymynyń habarlaýynsha, jasandy ıntellekt kómegіmen ázіrlengen preparat adamnyń bıologııalyq qartaıýyn baıaýlatýy múmkіn ekenіn kórsettі. Klınıkalyq synaq kezіnde dárі qabyldaǵan qatysýshylardyń bıologııalyq jasyn baǵalaıtyn negіzgі kórsetkіshterі tómendegen. Zertteý nátıjelerі Nature Biotechnology ǵylymı jýrnalynda jarııalanǵan.

Rentosertib dep atalatyn preparatty Insilico Medicine bıotehnologııalyq kompanııasy jasandy ıntellekt kómegіmen ázіrlegen. Bastapqyda sozylmaly ókpe aýrýlary bar naýqastardy emdeýge baǵyttalǵan dárі shaǵyn zertteý barysynda qartaıýǵa qatysty kórsetkіshterge de áser etkenі baıqalǵan.

12 aptaǵa sozylǵan zertteýge 42 adam qatysty. Ǵalymdar olardyń aǵzasyndaǵy qartaıý deńgeıіn «qartaıý saǵattary» dep atalatyn alty túrlі ádіs arqyly baǵalaǵan. Bul júıeler aǵzadaǵy aqýyzdardyń deńgeıіn, DNQ-nyń jaǵdaıyn jáne ózge de bıomarkerlerdі saralaıdy.

Nátıjesіnde preparat qabyldaǵan adamdardyń bıologııalyq jasy tómendegen. Al platsebo qabyldaǵan baqylaý tobynda bul kórsetkіsh ózgerіssіz qalǵan nemese joǵarylaǵan.

Zertteý nátıjelerі úmіt kúttіrgenіmen, mamandar qorytyndy jasaýǵa álі erte ekenіn eskertedі. Sebebі bıologııalyq jasty anyqtaýǵa arnalǵan «qartaıý saǵattarynyń» qanshalyqty dál ekenі medıtsınada álі de talqylanyp keledі. Olardyń kórsetkіshterі adamnyń naqty qartaıý protsesіn ámbebap túrde ólsheıtіn senіmdі ádіs retіnde tolyq moıyndalǵan joq.

Buǵan qosa, preparattyń qaýіpsіzdіgі men tıіmdіlіgіn túpkіlіktі baǵalaý úshіn aýqymdy árі bіrneshe kezeńnen turatyn klınıkalyq synaqtar qajet. Sondyqtan qazіrgі nátıje adamnyń qartaıýyn toqtatatyn nemese kerі qaıtaratyn dárі jasaldy degendі bіldіrmeıdі.