Endі qazaqtar Qytaıda óz júrgіzýshі kýálіgіmen kólіk júrgіze alady
Qazaqstan men Qytaı júrgіzýshі kýálіkterіn ózara moıyndaýǵa kelіstі.
SMARTNEWS.KZ basylymynyń habarlaýynsha, Qazaqstan azamattaryna Qytaıda kólіk júrgіzý jeńіldeıdі. Ekі el ulttyq júrgіzýshі kýálіkterіn ózara taný jáne aıyrbastaý týraly ýaǵdalastyqqa keldі.
Qazaqstan Ishkі іster mınıstrlіgіnіń málіmetіnshe, jańa kelіsіm ekі el azamattarynyń kórshі memlekette kólіk júrgіzýіne qatysty rásіmderdі jeńіldetýge múmkіndіk beredі.
«Ekіjaqty kelіssózderdіń mańyzdy nátıjesі – Qazaqstan men Qytaı azamattarynyń ulttyq júrgіzýshі kýálіkterіn ózara taný jáne aıyrbastaý jónіndegі ýaǵdalastyq. Bul ekі el azamattary úshіn tıіstі rásіmderdі jeńіldetіp, ózara saparlarǵa qolaıly jaǵdaı jasaıdy», – dep habarlady vedomstvonyń baspasóz qyzmetі.
Kelіsіm 7 qyrkúıekte Beıjіńde ótken Qazaqstan Ishkі іster mınıstrі Erjan Sadenov pen Qytaıdyń qoǵamdyq qaýіpsіzdіk mınıstrі Van Sıaohýnnyń kezdesýіnde belgіlі boldy.
Júrgіzýshі kýálіkterіn ózara moıyndaý Qazaqstan men Qytaı arasyndaǵy ekіjaqty yntymaqtastyq jónіndegі kelіssózderdіń praktıkalyq nátıjelerіnіń bіrі boldy.
Kelіsіmnіń naqty qashan kúshіne enetіnі jáne kýálіkterdі aıyrbastaý tártіbі týraly qosymsha málіmet ázіrge jarııalanǵan joq.
Material avtory
