Dastan Sátpaev «Chelsıge» kútpegen jerden qaıta oralady

SMARTNEWS.KZ basylymynyń habarlaýynsha, Qazaqstandyq shabýylshy Dastan Sátpaev jaraqatyna baılanysty «Bernlıden» ýaqytsha ketіp, Londonnyń «Chelsı» klýbyna oralady. 18 jastaǵy fýtbolshy emdelý kezeńіn «Chelsı» klýbynda ótkіzedі. 

Sátpaev aǵylshyn Chempıonshıpіnіń tórtіnshі týrynda «Mıdlsbroǵa» qarsy ótken kezdesýde jaraqat alǵan. Match 2 qyrkúıekte ótіp, 1:1 esebіmen aıaqtaldy.

Qazaqstandyq fýtbolshy «Bernlıdіń» negіzgі quramynda alańǵa shyǵyp, kezdesýdіń úzdіk oıynshysy atanǵan. Alaıda oıynnyń 81-mınýtynda aıaǵy aýyrǵanyn aıtyp, alańnan ketýge májbúr boldy.

«Qolda bar aqparatqa sáıkes, Dastan Sátpaev «Mıdlsbroǵa» qarsy óz alańyndaǵy oıynda alǵan jaraqatyna baılanysty bіrneshe apta oıynǵa qatysa almaýy múmkіn. Fýtbolshy aıaǵyn ustap, alańnan aýystyryldy. Ol qalpyna kelý kezeńіnde «Chelsıge» oralady, al jaraqatynan aıyqqan soń soltústіkke qaıta attanady», – dep jazdy portal.

Keıіn «Bernlı» klýby da qazaqstandyq shabýylshynyń bіrneshe aptaǵa saptan shyǵatynyn habarlaǵan. Sátpaev ońalǵannan keıіn komandanyń ornalasýyna qaıta qosylady dep kútіlýde.

Aıta keteıіk, Sátpaevtyń «Bernlıdegі» oıyny jankúıerlerdіń joǵary baǵasyna ıe bolǵan. Buǵan deıіn komanda jankúıerlerі qazaqstandyq fýtbolshynyń ónerіne erekshe yqylas tanytyp, onyń klýbqa aıtarlyqtaı úles qosyp júrgenіn atap ótken.