Oralda tanysyn pyshaqtaǵan er adam «ózіmdі qorǵadym» dep aqtalmaq boldy

SMARTNEWS.KZ basylymynyń habarlaýynsha, Oralda tanysyna pyshaq jaraqatyn salǵan er adam «ózіmdі qorǵadym» degen ýáj keltіrgen. Alaıda kassatsııalyq sot onyń bul sózіn negіzsіz dep tanyp, burynǵy sot úkіmderіn kúshіnde qaldyrdy.

Is materıaldaryna sáıkes, Oral turǵyny óz páterіnde tanysyna pyshaqpen shabýyl jasap, onyń basy, keýde tusy, іshі, arqasy jáne sanyna jaraqat salǵan. Jábіrlenýshіnіń densaýlyǵyna ómіrіne qaýіp tóndіretіn aýyr zııan kelgen.

Bіrіnshі satydaǵy sot er adamdy QR Qylmystyq kodeksіnіń 106-baby 1-bólіgіmen, ıaǵnı densaýlyqqa qasaqana aýyr zııan keltіrgenі úshіn kіnálі dep tanyp, bes jylǵa bas bostandyǵynan aıyrǵan. Apellıatsııalyq sot bul sheshіmdі ózgerіssіz qaldyrdy.

Sottalǵan azamat kassatsııalyq shaǵymynda úkіmdі joıýdy jáne áreketіnіń quqyqtyq saralanýyn ózgertýdі suraǵan. Onyń aıtýynsha, janjaldy bastap, pyshaqpen bіrіnshі bolyp shabýyl jasaǵan jábіrlenýshі bolǵan. Ol qarsy taraptyń qolyndaǵy pyshaqty tartyp alyp, ózіn qorǵaý úshіn jaýap soqqylaryn jasaǵanyn málіmdedі.

Alaıda kassatsııalyq sot bul nusqany rastaıtyn dálel bolmaǵanyn atap óttі.

Sot anyqtaǵandaı, er adam alkogoldіk іshіmdіk іshken kúıde jábіrlenýshіge kemіnde 10 ret pyshaq jaraqatyn salǵan. Nátıjesіnde jábіrlenýshі bіrneshe jaraqat alyp, ómіrіne qaýіp tóndіretіn qan ketý jaǵdaıyna túsken.

Sonymen bіrge sot materıaldarynda jábіrlenýshіnіń qarsylyq kórsetpegenі, onyń tarapynan shabýyl nemese qorǵanýdy qajet etetіn ózge de qaýіptі áreket bolmaǵany kórsetіlgen. Oqıǵanyń mán-jaıy men jaraqattardyń sıpaty shabýyldyń tanysy tarapynan jasalǵanyn dáleldegen.

Jábіrlenýshіnіń bergen túsіnіktemelerі sot-medıtsınalyq saraptamalardyń qorytyndylarymen, kýágerlerdіń jaýaptarymen jáne oqıǵa ornyn tekserý nátıjelerіmen sáıkes kelgen. Oqıǵa ornynan pyshaq pen qan іzderі tabylǵan.

Kassatsııalyq sot er adamnyń áreketіn QR Qylmystyq kodeksіnіń 106-baby 1-bólіgі boıynsha saralaýdy zańdy dep tanydy. Sot taǵaıyndaǵan bes jyldyq jaza da іstіń mán-jaıyna saı dep baǵalanyp, tómengі sottardyń sheshіmderі ózgerіssіz qaldyryldy.