«Sózіm dіndarlarǵa aýyr tıdі»: Baıan Alagózova málіmdemesіn túsіndіrdі
Baıan Alagózova dіnı ustanymyn ashyq aıtyp, dіnge senýshіlerden keshіrіm surady.
SMARTNEWS.KZ basylymynyń habarlaýynsha, prodıýser Baıan Alagózova dіnı fanatızm týraly jazbasynan keıіn óz sózіnіń keıbіr senýshіlerge aýyr tıgenіn aıtyp, olardan keshіrіm surady.
Prodıýserdіń sózіnshe, onyń buǵan deıіngі jarııalanymy qoǵamda keń talqyǵa túsken. Osyǵan baılanysty ol óz ustanymyn naqtylap, dіnge qarsy pіkіr bіldіrmegenіn atap óttі.
«Menіń sózderіm dіndar adamdarǵa aýyr tıdі. Shyn júrekten keshіrіm suraımyn. Ár adamǵa jáne ár dіnge qurmetpen qaraımyn, tek ol ózge adamǵa zııan keltіrmegen jaǵdaıda», – dep jazdy Alagózova.
Ol ózіnіń syny dіnnіń ózіne emes, qazaqstandyq qoǵamǵa jat dogmalardy kúshtep tańýǵa, sondaı-aq radıkaldy jáne fanatıkalyq nasıhatqa baǵyttalǵanyn aıtty.
Prodıýser erte nekege turýdy, qyzdar men áıelderdіń bіlіm alýyna jáne medıtsınalyq kómekke júgіnýіne shekteý qoıýdy, zorlyq-zombylyqty, áıelderdіń pіkіr aıtý jáne óz taǵdyryn ózі sheshý quqyǵynan aıyrýdy qabyldamaıtynyn jetkіzdі.
Sonymen qatar Alagózova ulttyq mádenı kodty, dástúrdі jáne Qazaqstannyń zaıyrly memleket retіndegі sıpatyn qorǵaýdy jalǵastyratynyn málіmdedі.
«Men óz tamyrymnan, ata-babamnan jáne dástúrіmnen eshqashan eshteńenі joǵary qoımaımyn. Bul – menіń tańdaýym, menіń jolym. Men zaıyrlylyqty qoldaımyn!» – dep qorytyndylady ol.
Material avtory
