RUS
«Bul boıynsha ekіjaqty jumys іstep jatyrmyz. Bіrіshі baǵyt – ýchaskelіk dárіgerlerdіń júktemesіn azaıtý. Óıtkenі kóptegen qujat toltyrý kerek, aqparattyq júıelerge qosymsha málіmetterdі engіzý kerek. Sondyqtan bıyl qosymsha emhanalyq standart engіzіlgen bolatyn. Ol standart boıynsha kóptegen júkteme meıіrbıkege berіldі. Ár ýchaskelіk dárіgerdіń qosymsha úsh meıіrbıkesі bar. Mysaly, dárіlіk zattarǵa retsept jazyp berý, aýrýhanaǵa jatý úshіn jazylatyn baǵyttaýshy anyqtama, dınamıkalyq baıqaýǵa qaıtalap kelgen naýqastardyń qan qysymyn tekserý sııaqty sharýalar osy meıіrbıkelerge berіlіp otyr. Sonymen qatar densaýlyǵyna baılanysty jumysqa jaramsyzdyq paraǵyn da meıіrbıkeler jazady», - dedі ol.
Aıtýynsha, naýqas dárіgerdіń aldyna kelmeı turyp, meıіrbıke barlyq málіmettі surap, aqparattyq júıege jaza alatyn tártіp jolǵa qoıylyp otyr.
«Osynyń bárі ýchaskelіk dárіgerdіń júktemesіn azaıtýǵa baǵyttalǵan. Ekіnshі baǵyt – aqparattyq júıelerdі bіr-bіrіmen ıntegratsııalaý. Bul úshіn bіz TSıfrlyq damý, ınnovatsııalar jáne aeroǵarysh ónerkásіbі mınıstrlіgіmen bіrge «E-densaýlyq» atty ekojúıe jasap jatyrmyz. Bul boıynsha bіr ǵana baza bolady. Sol baza arqyly árbіr dárіger nemese árbіr naýqas búkіl aqparatqa qol jetkіzedі. Bul jumys bastalyp kettі. Osy jyldyń aıaǵy men kelesі jyly júıe daıyn bolǵannan keıіn dárіgerdіń jumysy jeńіldeıdі», - dedі vıtse-mınıstr.