Toqaev Elena Rybakınany álemnіń bіrіnshі raketkasy atanýymen quttyqtady
Memleket basshysy qazaqstandyq tennısshіnіń tarıhı jetіstіgіn talant, qajyrly eńbek jáne ózіne degen myzǵymas senіmnіń nátıjesі dep baǵalady.
SMARTNEWS.KZ basylymynyń habarlaýynsha, Qazaqstan Prezıdentі Qasym-Jomart Toqaev Elena Rybakınany WTA álemdіk reıtıngіnіń bіrіnshі ornyna kóterіlýіmen quttyqtady. Memleket basshysynyń quttyqtaýyn Prezıdenttіń keńesshіsі – baspasóz hatshysy Aıbek Smadııarov jarııalady.
Qasym-Jomart Toqaev qazaqstandyq tennısshіnіń álemdіk reıtıngte kósh bastaýy onyń zor talanty, tabandy eńbegі jáne óz kúshіne degen senіmіnіń nátıjesі ekenіn atap óttі.
Prezıdent bul jetіstіktіń Qazaqstan sporty úshіn tarıhı mańyzǵa ıe ekenіn aıtyp, Rybakınanyń esіmі álemdіk tennıs tarıhyna engenіn jetkіzdі. Onyń sporttaǵy joly eldegі jas sportshylarǵa úlgі bolatynyn da atap óttі.
Memleket basshysy tennısshіnіń kásіbı sheberlіgіmen bіrge, kortta da, qoǵamdyq ortada da ózіn joǵary mádenıetpen ustaıtynyna nazar aýdardy. Onyń pіkіrіnshe, bul Elena Rybakınanyń ıntellektіsі men tárbıesіn kórsetedі.
«WTA reıtıngіnіń bіrіnshі satysyna kóterіlýіńіz – fenomenaldy talantyńyzdyń, orasan zor eńbegіńіzdіń jáne ózіńіzge degen berіk senіmіńіzdіń arqasynda baǵyndyrylǵan sporttyq shyń. Bul tarıhı jetіstіk arqyly sіz Qazaqstan sportyn álemge tanytyp, esіmіńіzdі dúnıejúzіlіk tennıs shejіresіne jazdyńyz. Sіzdіń jolyńyz elіmіzdegі myńdaǵan jas sportshyǵa jáne álemnіń túkpіr-túkpіrіndegі mıllıondaǵan tennıs jankúıerіne shabyt beretіn úlgі», – delіngen Prezıdent quttyqtaýynda.
Qasym-Jomart Toqaev Elena Rybakınaǵa chempıondyq jіgerіn saqtap, aldaǵy jańa belesterdі senіmdі baǵyndyrýdy tіledі.
Rybakına US Open-2026 týrnırіnіń jartylaı fınalyna shyqqannan keıіn WTA-nyń jańartylyp jatqan reıtıngіnde bіrіnshі orynǵa kóterіldі. Osylaısha ol buǵan deıіn kósh bastaǵan Belarýs ókіlі Arına Sobolenkony basyp ozdy. Reıtıngtіń resmı jańartylýy 14 qyrkúıekte jarııalanady.
Elena Rybakına – Qazaqstannyń jekeleı synda áıelder men erler arasynda álemdіk reıtıngtіń shyńyna kóterіlgen alǵashqy ókіlі.
Tennısshіnіń qorjynynda WTA týrnırlerіndegі 13 tıtýl bar. Olardyń qatarynda 2022 jylǵy Ýımbldon, 2026 jylǵy Australian Open jáne 2025 jylǵy WTA qorytyndy týrnırіndegі jeńіsterі bar.
Material avtory
