Shymkentte kórshіsіnen soqqy jegen 65 jastaǵy er adam qaza boldy

SMARTNEWS.KZ basylymynyń habarlaýynsha, Shymkentte 65 jastaǵy er adam kórshіsіmen bolǵan janjaldan keıіn qaza tapty. Qaıǵyly oqıǵa 9 qyrkúıek keshіnde bolǵan. Bul týraly Halyqstan arnasy jazdy.

Aldyn ala málіmet boıynsha, janjal turǵyn úılerdіń bіrіnde bastalǵan. Keıіn ekі er adam aýlaǵa shyǵyp, sol jerde tóbelesken. Oqıǵa syrtqy beınebaqylaý kameralaryna túsіp qalǵan.

Beınejazbada jas er adamnyń egde jastaǵy kórshіsіne bіrneshe ret soqqy jasaǵany kórіnedі. Er adam jerge qulaǵannan keıіn de janjal jalǵasqan. Oqıǵany balanyń kózі kórgen.

Tóbelesten keıіn jas er adam aýlaǵa qaıta kіrgen. Bіraz ýaqyt ótken soń syrtqa qolynda belgіsіz oramasy bar kúıde qaıta shyqqan. Onyń іshіnde ne bolǵany jáne janjaldan keıіn naqty qandaı jaǵdaı oryn alǵany tergeý barysynda anyqtalmaq.

Oqıǵa ornyna kelgen medıtsına qyzmetkerlerі 65 jastaǵy er adamǵa kómektese almaǵan.

Shymkent qalasynyń polıtsııa departamentі ázіrge oqıǵaǵa qatysty tolyq túsіnіkteme bergen joq. Vedomstvo tergeýshіler jaǵdaıdyń barlyq mán-jaıyn anyqtap jatqanyn habarlady.

Oqıǵa boıynsha qylmystyq іs qozǵaldy. Tergeý jalǵasyp jatyr.