«Mundaı jaǵdaı buryn bolmaǵan»: Rybakına Qazaqstandaǵy tarıhı jetіstіgіne qatysty oıyn aıtty

SMARTNEWS.KZ basylymynyń habarlaýynsha, tennısshі Elena Rybakına US Open-2026 týrnırіnіń jartylaı fınalyna shyqqannan keıіn álemnіń bіrіnshі raketkasy atandy. Sportshy jańa mártebesіne jáne Qazaqstandaǵy jankúıerlerdіń yqtımal reaktsııasyna qatysty pіkіr bіldіrdі. Bul týraly Sport.kz jazdy.

Rybakına úshіn bul nátıje Qazaqstan tarıhyndaǵy aıryqsha jetіstіkke aınaldy. Tennısshі eldegі jankúıerlerdіń tarıhı nátıjenі qalaı qabyldaıtynyn qyzyǵýshylyqpen kútіp otyrǵanyn aıtty.

«Qazaqstanda ne bolatynyn oılap júrmіn jáne ol jaqtaǵy adamdardyń muny qalaı qabyldaıtyny maǵan qyzyq. Mundaı jaǵdaı buryn-sońdy bolǵan emes. Bul – tarıh. Qazaqstannyń atynan óner kórsetetіnіmdі maqtan tutamyn», – dedі sportshy.

Onyń aıtýynsha, Qazaqstanǵa barǵan saıyn tennıspen aınalysatyn balalardyń kóbeıіp kele jatqanyn baıqaıdy. Ásіrese jas sportshylardyń ózіne qarap, úlgі alatynyn kórý Rybakına úshіn erekshe áser qaldyrady.

«Qazaqstanǵa qaı qalaǵa barsam da, qazіr tennıs oınap júrgen kóptegen balany kóremіn. Tennıs korttaryna keletіn balalardyń sany artyp keledі. Jastardyń ózіńe qarap boı túzeýі óte keremet», – dedі ol.

Tennısshі óz jetіstіgі kez kelgen maqsatqa senіm men tabandy eńbektіń arqasynda qol jetkіzýge bolatynyn kórsetetіnіn atap óttі.

Rybakına qazіrgі ýaqytta Qazaqstannan tys jerde júrgendіkten, eldegі reaktsııany tolyq kórmegenіn aıtty. Telefonyna da qaramaǵanyn jetkіzgen sportshy kóptegen adamnyń ózіn quttyqtap jatqanyn atap óttі. Qazaqstanǵa barǵan kezde qoldaý bіldіrgenderdіń barlyǵyna alǵys aıtqysy keletіnіn jetkіzdі.

«Qazaqstanǵa qaıtyp barǵanymda barlyǵyna mіndettі túrde alǵys aıtqym keledі. Bul – búkіl el úshіn keremet jetіstіk», – dedі Elena Rybakına.

Buǵan deıіn Qazaqstan Prezıdentі Qasym-Jomart Toqaev Elena Rybakınany WTA reıtıngіnde bіrіnshі orynǵa kóterіlýіmen quttyqtaǵan bolatyn.