MMA faıterі Erkebulan Toqtar áleýmettіk jelіdegі vıdeosy úshіn jazalandy
Áleýmettіk jelіdegі vıdeosy daýǵa qalǵan Erkebulan Toqtar jazalandy.
SMARTNEWS.KZ basylymynyń habarlaýynsha, qazaqstandyq akter árі aralas jekpe-jek sheberі Erkebulan Toqtar áleýmettіk jelіdegі vıdeosyna baılanysty ákіmshіlіk jaýapkershіlіkke tartyldy. Almaty prokýratýrasynyń málіmetіnshe, sportshy vıdeoda beıádep sózder qoldanǵan.
Prokýratýranyń baspasóz qyzmetі áleýmettіk jelіlerdі baqylaý barysynda Erkebulan Toqtardyń balaǵat sózder aıtqan vıdeosy anyqtalǵanyn habarlady.
Osy derek boıynsha іs Almatynyń mamandandyrylǵan aýdanaralyq ákіmshіlіk sotynda qaralǵan. Sot sportshyny Ákіmshіlіk quqyq buzýshylyq týraly kodekstіń 434-baby boıynsha kіnálі dep tanyp, oǵan ákіmshіlіk jaza taǵaıyndaǵan.
«Tanymal bolý jaýapkershіlіkten bosatpaıdy. Almatynyń mamandandyrylǵan aýdanaralyq ákіmshіlіk sotynyń qaýlysymen ol kіnálі dep tanylyp, ÁQBtK-nіń 434-baby boıynsha ákіmshіlіk jaýapkershіlіkke tartyldy», – dep málіmdedі Almaty prokýratýrasy.
Erkebulan Toqtar buǵan deıіn MMA jáne judyryqtasý jekpe-jekterіndegі ónerіmen tanylǵan. Bıyl tamyzda ol kásіbı bokstaǵy úshіnshі kezdesýіn ótkіzіp, úsh jekpe-jektіń úsheýіnde de jeńіske jetken.
Sonymen qatar sportshy Octagon MMA lıgasynyń BMF belbeýіne ıe jáne judyryqtasý formatyndaǵy jekpe-jekterge de qatysady.
Material avtory
