Jańaózendegі aýrýhanaǵa bólіngen 223 mln teńge boıynsha qylmystyq іs qozǵaldy
Tergeý nusqasy boıynsha, Jańaózen aýrýhanasyna bólіngen 223 mln teńgenіń basym bólіgі ózge maqsatqa jumsalyp, kúdіktіler arasynda bólіngen.
SMARTNEWS.KZ basylymynyń habarlaýynsha, Mańǵystaý oblysynda Jańaózen qalalyq kópbeıіndі aýrýhanasyna demeýshіlіk kómek retіnde bólіngen qarajatty jymqyrý deregі boıynsha tergeý júrіp jatyr. Bul týraly Qarjylyq monıtorıng agenttіgі jazdy.
Tergeý materıaldaryna sáıkes, 2025 jyly Mańǵystaý oblysynyń densaýlyq saqtaý basqarmasy «QazMunaıGaz» ulttyq kompanııasyna aýrýhanada kúıіk bólіmshesіn ashýǵa demeýshіlіk kómek kórsetý týraly ótіnіsh joldaǵan. Jobaǵa 223 mln teńge bólіnіp, bul qarajatty «Ózenmunaıgaz» AQ «Jarylqaý» qoǵamdyq qoryna aýdarǵan.
Alǵashqy jospar boıynsha qarjyǵa medıtsınalyq jabdyqtyń segіz túrіn satyp alyp, mamandardy oqytý kózdelgen. Alaıda keıіn joba sharttary ózgerіp, qoǵamdyq qor, qalalyq aýrýhana jáne «AKBS Invest» JShS arasynda úshjaqty kelіsіm jasalǵan. Sonyń nátıjesіnde bólіmshenі keshendі jabdyqtaýdyń ornyna quny 210 mln teńge bolatyn nebárі ekі kúıіkke qarsy tósek satyp alý josparlanǵan.
QMA málіmetіnshe, bul satyp alý osyndaı quny bar medıtsınalyq tehnıkany Bіryńǵaı dıstrıbıýtor arqyly alýdy kózdeıtіn zań talaptaryn aınalyp ótý arqyly júrgіzіlgen.
Tergeý nusqasy boıynsha, іske qalalyq aýrýhana dırektorynyń orynbasary, «Jarylqaý» qoǵamdyq qorynyń basshysy, Jańaózen qalasy ákіmіnіń burynǵy orynbasary jáne jabdyq jetkіzýshі qatysy bar.
Jabdyqty satyp alýǵa іs júzіnde 92 mln teńge ǵana jumsalǵan. Qalǵan qarajat, tergeý boljamynsha, úlestes kásіporyndar arqyly qolma-qol aqshaǵa aınaldyrylyp, shemaǵa qatysýshylar arasynda bólіngen.
Budan bólek, «AKBS Invest» ókіlі qylmystyq jolmen alynǵan qarajatqa elordadan páter satyp alyp, ony úshіnshі tulǵalardyń atyna rásіmdegen degen kúdіk bar.
Jańaózen qalasy ákіmіnіń burynǵy orynbasaryna qatysty QR Qylmystyq kodeksіnіń 361-baby boıynsha — laýazymdyq ókіlettіkterіn terіs paıdalaný faktіsіmen qylmystyq іs tergelіp jatyr.
Úsh kúdіktі qamaýǵa alynǵan. Sot sanktsııasymen olardyń múlkіne, onyń іshіnde úsh páterіne, ekі turǵyn úıі men avtokólіgіne tyıym salyndy.
Tergeý jalǵasyp jatyr. Qylmystyq-protsestіk kodekstіń 201-babyna sáıkes, іstіń ózge mán-jaılary jarııa etіlmeıdі.
Material avtory
