Rybakına AQSh ashyq chempıonatynyń fınalynda Sobolenkoǵa qarsy oınaıdy
Qazaqstannyń bіrіnshі raketkasy mansabynda alǵash ret US Open fınalyna shyqty.
SMARTNEWS.KZ basylymynyń habarlaýynsha, Qazaqstannyń bіrіnshі raketkasy Elena Rybakına AQSh ashyq chempıonatynyń 2026 jylǵy týrnırіnde fınalǵa joldama aldy. Ol sheshýshі kezdesýde álemnіń tórtіnshі raketkasy, amerıkalyq Koko Gaýffty jeńdі.
Týrnırde ekіnshі nómіrmen óner kórsetіp jatqan Rybakına jartylaı fınalda 2023 jylǵy US Open chempıony Koko Gaýffpen kezdestі. Kezdesý ekі saǵat toǵyz mınýtqa sozylyp, qazaqstandyq tennısshіnіń 3:6, 6:4, 6:4 esebіndegі jeńіsіmen aıaqtaldy.
Rybakına match barysynda bes eıs jasap, ekі ret qos qatelіk jіberdі. Ol alty breık-poınttyń tórteýіn paıdalandy.
Osylaısha qazaqstandyq sportshy alǵash ret US Open fınalyna shyqty. Endі ol chempıondyq ataq úshіn Belarýs ókіlі Arına Sobolenkomen oınaıdy. Sobolenko jartylaı fınalda amerıkalyq Djessıka Pegýlany 7:5, 6:2 esebіmen jeńdі.
Aıta keteıіk, Sobolenko US Open týrnırіnіń sońǵy ekі jylǵy chempıony. Al bıylǵy jarystyń qorytyndysy boıynsha Rybakına WTA reıtıngіnde álemnіń bіrіnshі raketkasy atanady. Osylaısha ol reıtıng kóshіn dál Sobolenkodan qabyldaıdy.
US Open fınaly 12-nen 13 qyrkúıekke qaraǵan túnі Astana ýaqytymen saǵat 01:00-de bastalady.
Elena Rybakına buǵan deıіn «Úlken dýlyǵa» sanatyndaǵy ekі týrnırde jeńіske jetken. Ol 2022 jyly Ýımbldonda, al 2026 jyly Australian Open jarysynda chempıon atandy.
Material avtory
