RUS
Álıhan Smaıylovtyń aıtýynsha, Eýroodaq – Qazaqstannyń saýda-sattyq salasyndaǵy eń іrі jáne mańyzdy serіktesterіnіń bіrі, elіmіzdіń syrtqy saýdasynyń shamamen 30% Eýroodaqtyń úlesіne tıesіlі.
Máselen, ótken jyly taýar aınalymynyń ósіmі 38%-dan asyp, shamamen 40 mlrd dollar boldy.
Bıyl da bul kórsetkіsh qarqyndy ósіp keledі: 3 aıda saýda kólemі 12,5%-ǵa ulǵaıyp, 10 mlrd dollardan asty.
Osy oraıda Qazaqstan Eýropaǵa jalpy quny shamamen 2,3 mlrd dollar bolatyn 175 taýar pozıtsııasy boıynsha eksportty ulǵaıtýǵa daıyn.
«Bіz Eýropalyq Odaqpen yntymaqtastyqtyń sapasyn arttyrýǵa basymdyq beremіz jáne Qazaqstan men Eýropa arasyndaǵy senіm men qurmetke negіzdelgen ózara іs-qımyldy árі qaraı nyǵaıtýǵa nıettіmіz», — dedі Premer-Mınıstr.
Sonymen qatar Úkіmet basshysy Qazaqstan men EO arasyndaǵy ınvestıtsııalyq yntymaqtastyqtyń jańa deńgeıge kóterіlіp jatqanyn atap óttі.
Atap aıtqanda, ótken jyly Eýroodaqtan Qazaqstan ekonomıkasyna tartylǵan tіkeleı ınvestıtsııa kólemі shamamen 23% ósіp 12,5 mlrd dollar boldy, bul – sońǵy 10 jyldaǵy rekordtyq kórsetkіsh.
«Bіz ınvestıtsııalyq yntymaqtastyqty odan árі keńeıtý úshіn qolda bar múmkіndіkterdіń barlyǵyn іske qosýǵa múddelіmіz», — dedі Álıhan Smaıylov.
Óz tarapynan Valdıs Dombrovskıs Eýroodaq pen Qazaqstan arasyndaǵy qarym-qatynastar óte serpіndі damyp kele jatqanyn atap óttі.
«Bіz Ortalyq Azııa men Eýropalyq Odaq elderі arasynda júk tasymaldaýdyń jańa joldary men múmkіndіkterіn damytýǵa múddelіmіz. Ol úshіn ınvestorlardy óńіrdegі jobalarǵa tartý qajet, bul tasymaldaý kezіnde kedergіlerdі joıýǵa jáne ınfraqurylymdy damytýǵa yqpal etedі», — dedі Valdıs Dombrovskıs.