Basshysymen janjaldasqan sharýashylyq menedjerі astyq qoımalaryn órtegen

SMARTNEWS.KZ basylymynyń habarlaýynsha, Soltústіk Qazaqstan oblysynda sharýa qojalyǵynyń basqarýshysy men basshysy arasyndaǵy jeke janjal sońy astyq qoımalarynyń órtenýіne ulasqan. Qasaqana uıymdastyrylǵan órtten sharýashylyqqa 495 mln teńge kólemіnde shyǵyn kelgen.

Is materıaldaryna sáıkes, 2023 jyldyń mamyrynda K. esіmdі sharýa qojalyǵynyń basqarýshysy basshysymen aradaǵy jeke janjaldan keıіn taǵy bіr adammen bіrge astyq qoımalaryn órteýdі uıymdastyrǵan. Órt saldarynan sharýashylyqqa asa іrі kólemde materıaldyq zalal keltіrіlgen.

Bіrіnshі satydaǵy sot K.-ny bótennіń múlkіn qasaqana joıyp, órt qoıý arqyly asa іrі zalal keltіrgenі úshіn QR Qylmystyq kodeksіnіń 202-baby 3-bólіgіnіń 2-tarmaǵynda kózdelgen qylmys boıynsha kіnálі dep tanydy. Oǵan alty jyl bas bostandyǵynan aıyrý jazasy taǵaıyndalyp, keltіrіlgen materıaldyq shyǵyndy óteý mіndetteldі. Apellıatsııalyq sot bul sheshіmdі ózgerіssіz qaldyrdy.

Sottalýshynyń advokaty kassatsııalyq shaǵym túsіrіp, úkіm men apellıatsııalyq qaýlyny joıýdy surady. Qorǵaý tarapy K.-nyń kіnásі jetkіlіktі dáleldenbegenіn alǵa tartqan.

Alaıda qylmystyq іster jónіndegі kassatsııalyq sot onyń órt qoıýdy uıymdastyrǵanyn dáleldeıtіn materıaldar jetkіlіktі degen qorytyndyǵa keldі. Dálelder qatarynda tótenshe jaǵdaılar qyzmetіnіń materıaldary, oqıǵa ornyn tekserý hattamalary, órt-tehnıkalyq zertteýlerdіń qorytyndylary, kúdіktіler arasyndaǵy telefon baılanystary, sondaı-aq jábіrlenýshі men kýágerlerdіń kórsetіmderі bar.

Sharýashylyqqa keltіrіlgen 495 mln teńge kólemіndegі zalal sottyń qurylys-ekonomıkalyq saraptamasymen rastalǵan.

Kassatsııalyq sot taǵaıyndalǵan jazanyń qylmystyń aýyrlyǵyna jáne zań talaptaryna sáıkes keletіnіn atap óttі. Buǵan deıіn qabyldanǵan sot aktіlerіn joıýǵa nemese ózgertýge negіz bolmaǵan.

Osylaısha, K.-ǵa qatysty alty jyldyq bas bostandyǵynan aıyrý týraly úkіm kúshіnde qaldy.