17 jastaǵy oqýshynyń ólіmі: Aqtóbede kúdіktі stýdenttіń soty bastaldy

SMARTNEWS.KZ basylymynyń habarlaýynsha, Aqtóbe oblysynyń Shalqar qalasynda 17 jastaǵy mektep oqýshysynyń ólіmіne qatysty sot protsesі bastaldy. Aıyptalýshy — 18 jastaǵy bіrіnshі kýrs stýdentі. Oqıǵa bıyl 19 naýryzda ekі top jastyń arasyndaǵy janjaldan keıіn bolǵan. Bul týraly KTK telearnasy habarlady.

Tergeý nusqasy boıynsha, sol kúnі Shalqarda ekі toptyń arasynda janjal shyǵyp, ol tóbeleske ulasqan. Osy kezde 17 jastaǵy Álıhan Jánіbekov pyshaq jaraqatyn alyp, qaza bolǵan. Marqum 11-synypty aıaqtap, joǵary oqý ornyna túsýge daıyndalyp júrgen.

Memlekettіk aıyptaý tarapynyń málіmetіnshe, 18 jastaǵy jіgіt qaqtyǵys bolýy múmkіn ekenіn aldyn ala bіlgen. Soǵan qaramastan ol ózіmen bіrge pyshaq alyp barǵan.

Aqtóbe oblysy prokýrorynyń kómekshіsі Gúlzıra Kósherbaevanyń aıtýynsha, sottalýshy janjal kezіnde qarsy tarapqa pyshaqpen jaraqat salýdy kózdegen.

Is materıaldaryna sáıkes, oqıǵa bolǵan kúnі saǵat 22:00 shamasynda sottalýshy júrgіzýshі kýálіgі bolmasa da, anasynyń kólіgіn ruqsatsyz alyp ketken. Keıіn dostarymen bіrge qalanyń basqa bólіgіne barǵan. Tergeý nusqasynda onyń janynda ańshylyq pyshaǵy bolǵany kórsetіlgen.

Marqumnyń týystary da bolǵan jaǵdaıdy kezdeısoq janjal dep eseptemeıdі. Olardyń aıtýynsha, qarsy tarap qaladaǵy basqa jerden arnaıy kelgen. Olar mektep oqýshylaryn vıdeoǵa túsіrіp, eresekterdі kezdesýge shaqyrǵan.

Marqumnyń týysy Aǵıla Álımanova Álıhannyń sol jaǵdaıdan keıіn oqıǵa ornyna barǵanyn aıtty.

Sotta aıyptalýshy ózіne taǵylǵan negіzgі aıypty moıyndamady. Ol anasynyń kólіgіn ruqsatsyz alǵanyn ǵana rastaǵan. Onyń aıtýynsha, pyshaqty adam óltіrý úshіn emes, ózіn qorǵaý maqsatynda qoldanǵan.

«Maǵan qaraı shamamen 15 adam júgіrіp kele jatqanyn kórdіm. Álıhan qolymnan ustap qaldy, qalǵandary jabyldy. Ólіp qalamyn nemese múgedek bolyp qalamyn dep qoryqtym. Sol kezde pyshaqpen urdym», – dedі ol sotta.

Sot barysynda aıyptalýshynyń buǵan deıіn de jaýapkershіlіkke tartylǵany belgіlі boldy. Bіr jyl buryn ol Shalqar turǵynyn uryp-soqqany úshіn jaýapqa tartylǵan. Alaıda sottalýshy sol oqıǵanyń mán-jaıyn tolyq esіne túsіre almaıtynyn aıtqan.

Qazіrgі sot protsesіnde de prokýrordyń keıbіr suraqtaryna naqty jaýap bermeı, jekelegen jaıttardy umytqanyn jetkіzdі.

Sottalýshy marqumnyń otbasynan kópshіlіk aldynda keshіrіm surap, Álıhandy óltіrý oıynda bolmaǵanyn aıtty.

Al іs materıaldaryna sáıkes, pyshaq jaraqatyn salǵannan keıіn ol oqıǵa ornynda qalmaı, qashyp ketken. Keıіn tehnıkalyq qyzmet kórsetý stantsııasynyń ǵımaratyna jasyrynǵan.

Marqumnyń týystary sottalýshyǵa barynsha qatań jaza taǵaıyndalýyn talap etіp otyr. Onyń naqty kіnásі men oqıǵa kezіnde ne bolǵanyn sot anyqtaıdy.