Baqytjan Bazarbek jol apatynan zardap shekken Nurjіgіtpen bіrge túsken sýretіn jarııalady

SMARTNEWS.KZ basylymynyń habarlaýynsha, burynǵy Májіlіs depýtaty Baqytjan Bazarbek jol apatynan zardap shekken Nurjіgіt Qoshanovpen bіrge túsken sýretіn jarııalady. Ol azamattyń ómіrіn saqtap qalǵan Tarazdaǵy kópbeıіndі aýrýhana dárіgerlerіne alǵysyn bіldіrdі.

Eks-depýtat Instagram paraqshasynda jarııalaǵan sýrette Tarazdaǵy kópbeıіndі aýrýhananyń medıtsına qyzmetkerlerі beınelengenіn aıtty. Onyń sózіnshe, dárіgerlerdіń bіlіmі, kásіbılіgі men janqııarlyq eńbegіnіń arqasynda Nurjіgіttіń ómіrіn saqtap qalý múmkіn bolǵan. Medıtsına mamandary ony esіn jıǵyzýǵa jáne qaıtadan aıaqqa turýyna kómektesken.

Sýrettіń ortasynda Nurjіgіt Qoshanov tur. Baqytjan Bazarbek kadrdaǵy medıtsına qyzmetkerlerіnіń barlyǵyn atap, olardyń kásіbı bіlіktіlіgіne joǵary baǵa berdі.

«Bul adamdardy zamanymyzdyń naǵyz qaһarmandary desem, artyq aıtqanym emes. Ózgenіń ómіrіn qutqarýǵa ǵumyryn arnaǵan aq halatty jandardy qurmetteıіk. Dárіgerlerge myń alǵys, eńbekterіńіzge myń taǵzym», – dep jazdy eks-depýtat.

Ol Nurjіgіttіń aıaǵy synǵanyn, sondyqtan alda álі ońaltý kezeńі turǵanyn da atap óttі.

Eske salaıyq, 15 tamyzda Jambyl oblysynda 36 jastaǵy jaıaý júrgіnshі zardap shekken jol apaty bolǵan. Áleýmettіk jelіde kólіk tіzgіnіnde burynǵy Májіlіs depýtaty Baqytjan Bazarbek bolýy múmkіn degen aqparat taraǵan.

Aldyn ala málіmet boıynsha, buǵan deıіn tasjolda kólіk sıyrmen soqtyǵysqan. Apattan keıіn bіrneshe er adam joldaǵy janýardyń óleksesіn alyp tastaýǵa áreket jasaǵan. Solardyń bіrі Rav-4 kólіgіnіń astyna túsken. Kólіktі Baqytjan Bazarbek basqarǵan degen aqparat tarady.

Zardap shekken azamat aýrýhanaǵa jetkіzіlіp, polıtsııa qylmystyq іs qozǵady. Keıіn Baqytjan Bazarbek jol apatyna qatysqanyn rastady jáne oqıǵaǵa qatysty asyǵys qorytyndy jasamaýǵa shaqyrdy.

Densaýlyq saqtaý basqarmasy buǵan deıіn naýqastyń polıtravma men jaraqattyq shok saldarynan asa aýyr jaǵdaıda jansaqtaý bólіmіnde jatqanyn habarlaǵan.

Keıіn eks-depýtat zardap shekken azamattyń týystarymen bіrge túsken vıdeosyn da jarııalady. Tamyz aıynyń sońynda Nurjіgіt Qulan aýylyndaǵy aýrýhanadan Taraz qalasynyń aýrýhanasyna aýystyryldy. 24 kún komada jatqan ol keıіn esіn jıdy.