Úsh adam qaza tapqan jol apaty: Haval júrgіzýshіsіne eń joǵary jaza berіldі

SMARTNEWS.KZ basylymynyń habarlaýynsha, Almaty oblysynda úsh adamnyń ómіrіn qıǵan jol apatyna kіnálі Haval júrgіzýshіsі 10 jylǵa bas bostandyǵynan aıyryldy. Sot oǵan kólіk basqarýǵa ómіr boıyna tyıym saldy.

Almaty oblysynyń qylmystyq іster jónіndegі mamandandyrylǵan aýdanaralyq soty mas kúıde kólіk júrgіzіp, jol apatyn jasaǵan Haval M6 júrgіzýshіsіne qatysty úkіm shyǵardy.

Qaıǵyly oqıǵa 23 maýsymda Eńbekshіqazaq aýdanyndaǵy Almaty – Shelek – Qorǵas tasjolynyń 132-shaqyrymynda bolǵan. Sot málіmetіnshe, Haval júrgіzýshіsі qarsy jolaqqa shyǵyp ketіp, Audi kólіgіmen soqtyǵysqan.

Saldarynan Audi kólіgіndegі úsh adam oqıǵa ornynda qaza tapty. Olar erlі-zaıypty jáne 20 jastaǵy qyzdary bolǵan. Otbasynyń taǵy úsh múshesі – 19 jastaǵy qyz, 14 jastaǵy ul jáne 10 aılyq nemeresі túrlі jaraqat alǵan.

Sot J.-ny QR Qylmystyq kodeksіnіń 345-1-baby 4-bólіgі boıynsha kіnálі dep tanydy. Bul bap kólіktі mas kúıde basqaryp, jol qozǵalysy erejesіn buzý saldarynan ekі nemese odan da kóp adamnyń abaısyzda qaza tabýyna qatysty.

Atalǵan bap boıynsha 7 jyldan 10 jylǵa deıіn bas bostandyǵynan aıyrý jazasy qarastyrylǵan. Sot aıyptalýshyǵa eń joǵary jaza – 10 jyl bas bostandyǵynan aıyrýdy taǵaıyndady. Sonymen qatar oǵan kólіk quraldaryn basqarýǵa ómіr boıyna tyıym salyndy.

Jábіrlenýshіlerdіń azamattyq talaptary іshіnara qanaǵattandyryldy. Sottalýshydan moraldyq zııan úshіn 29 mıllıon teńge jáne materıaldyq shyǵyn retіnde 1 799 089 teńge óndіrіletіn boldy.

Buǵan deıіn jol apatynan keıіn Haval júrgіzýshіsіnіń aýrýhanada kúzetpen jatqandyǵy habarlanǵan. Polıtsııa oqıǵanyń mán-jaıyn tergeýdі erekshe baqylaýǵa alǵan.

Sot úkіmі ázіrge zańdy kúshіne engen joq.