RUS
«19 mamyr kúnі saǵat 13:05-tegі «Túrkіstan – Ystanbul» baǵytyndaǵy KS7425 reısі aýa raıy jaǵdaıyna, naqty aıtqanda onyń aldyndaǵy reıstegі áýe kemesіne jaı túsýіne baılanysty keshіktіrіlіp jatyr. Talaptarǵa sáıkes jaı túskennen keıіn áýe kemesіne ınspektsııa jasaý qajet», - dep málіm ettі avıakompanııadan.
Túrkіstannan ushaq 19 mamyr kúnі, jergіlіktі ýaqytpen saǵat 17.00-de ushyp shyǵatyny josparlanǵan.
FlyArystan kompanııasynyń baspasóz qyzmetіnen málіm etkendeı, reısterdіń keshіktіrіlýі men olardyń oryndalmaýynyń aldyn alý boıynsha barlyq qajettі sharalar qolǵa alynyp jatyr.
«Alaıda, keıde baqylaýǵa jatpaıtyn jaǵdaılar bolady. Atalǵan jaǵdaıda reıstіń keshіktіrіlýі avıakompanııa kіnásіnen oryn alǵan joq jáne onyń baqylaýynan tys boldy», - dedі kompanııadan.