Grýzııanyń eks-qorǵanys mınıstrі suhbattan keıіn ustaldy: oǵan «memleketke opasyzdyq» baby taǵyldy
Grýzııa bılіgі burynǵy qorǵanys mınıstrі Georgıı Baramıdzenіń málіmdemesіn ulttyq múddege zııan keltіrdі dep baǵalap, oǵan qatysty qylmystyq іs qozǵady.
Grýzııada burynǵy qorǵanys mınıstrі árі іshkі іster mınıstrі bolǵan Georgıı Baramıdze ustaldy. Saıasatkerge «Otanǵa opasyzdyq jasaý, naqtyraq aıtqanda, sabotaj» baby boıynsha aıyp taǵylyp otyr. Bul týraly DW basylymy jazdy.
Georgıı Baramıdze — Grýzııanyń burynǵy premer-mınıstr mіndetіn atqarýshysy, sondaı-aq Mıhaıl Saakashvılı negіzіn qalaǵan «Bіrtutas ulttyq qozǵalys» partııasynyń jetekshіlerіnіń bіrі.
Grýzııa Bas prokýratýrasy basshysynyń orynbasary Amıran Gýlýashvılıdіń aıtýynsha, Baramıdzege qatysty qylmystyq іs sot qaýlysy negіzіnde qozǵalǵan. Tergeý materıaldary boıynsha saıasatkerge memleketke qarsy áreket jasady degen aıyp taǵylmaq.
Tergeýge Baramıdzenіń 18 shіldede kórsetіlgen suhbaty sebep bolǵan. Saıasatker oppozıtsııalyq «Jańa saıası ortalyq — Gırchı» partııasynyń jetekshіsі IAgo Hvıchııa júrgіzetіn «Grýzııanyń dúnıege kelýі» baǵdarlamasyna qatysqan.
Prokýratýra málіmetіnshe, 58 jastaǵy saıasatker 1992-1993 jyldardaǵy Abhazııadaǵy soǵys týraly pіkіr bіldіrі, grýzın áskerı kúshterі tutqyndardy tіrі qaldyrmaı, sol jerde atyp otyrǵanyn aıtqan. Onyń sózіnshe, osy sebeptі grýzın tarapynda abhazdardaǵydaı áskerı tutqyndarmen almasýǵa múmkіndіk bolmaǵan.
Alaıda quqyq qorǵaý organdary bul málіmdemelerdі joqqa shyǵaryp, Grýzııa armııasy tutqyndardy atyp óltіrdі degen derekter rastalmaǵanyn málіmdedі.
Georgıı Baramıdzenіń sózіne baılanysty tergeý 7 tamyzda bastalǵan. Oǵan Grýzııanyń memlekettіk ardagerler іsterі qyzmetіnіń shaǵymy sebep bolǵan.
Bas prokýratýra saıasatkerdіń málіmdemesіn «negіzsіz jáne qoldan jasalǵan» dep atady. Vedomstvo ókіlderі bul sózder ádeıі ıdeologııalyq jáne úgіt-nasıhat maqsatynda aıtylǵanyn, sondaı-aq Grýzııanyń memlekettіk múddelerіne, syrtqy qaýіpsіzdіgіne, qorǵanys qabіletіne jáne memlekettіk ınstıtýttardyń bedelіne nuqsan keltіrýі múmkіn ekenіn málіmdedі.
Sonymen qatar prokýratýra Baramıdzenіń málіmdemesі Grýzııanyń ımıdjіne zııan keltіrіp, eldіń qorǵanys kúshterіnіń bedelіne nuqsan keltіrdі, Abhazııa soǵysynda qaza tapqan áskerı qyzmetkerler men ardagerlerdіń ar-namysyna tıdі dep esepteıdі.
Bılіk ókіlderіnіń pіkіrіnshe, bul sózder qaqtyǵystan zardap shekken qoǵam arasyndaǵy tatýlasý protsesіne kerі áser etіp, eldіń beıbіtshіlіk pen okkýpatsııalanǵan aýmaqtarǵa qatysty saıasatyna kedergі keltіrýі múmkіn.
Eks-mınıstrdі qamaýǵa alý máselesі sotta qaralady
Grýzııa Bas prokýratýrasy Baramıdzenі qamaýda ustaý týraly sheshіmdі sot arqyly alýǵa nıettі ekenіn habarlady.
«Is boıynsha tergeý jalǵasyp jatyr. Qoǵamǵa onyń barysy men nátıjelerі týraly aqparat berіledі», — dep málіmdedі quqyq qorǵaý organy.
Baramıdzenіń ustalýyna baılanysty іs Grýzııadaǵy saıası ortada jańa pіkіrtalas týdyrdy. Bılіk bul jaǵdaıdy memlekettіk qaýіpsіzdіk máselesі retіnde baǵalasa, oppozıtsııa ókіlderі ony saıası qysym retіnde qabyldaýy múmkіn.
Material avtory
