Saýd Arabııasynyń strategııalyq munaı qubyryna shabýyl jasaldy: drondar Iraktan ushyrylǵan
Drondar shabýylynan keıіn munaı qubyrynyń jumysy ýaqytsha toqtatylyp, aımaqtaǵy qaýіpsіzdіk máselesі qaıta kóterіldі.
Saýd Arabııasyndaǵy asa mańyzdy «Shyǵys-Batys» munaı qubyryna Irak aýmaǵynan ushyrylǵan ushqyshsyz apparattar shabýyl jasady. Irak bılіgі oqıǵany rastap, tergeý jumystaryn bastaǵan. Bul týraly Aljazeera basylymy jazdy.
Shabýyl Iraktyń Maısan provıntsııasynan jasalǵany habarlandy. Oqıǵadan keıіn óńіrdegі áskerı bólіm basshysy qyzmetіnen ýaqytsha shettetіldі.
Saýd Arabııasynyń Syrtqy іster mınıstrlіgі Irak tarapy bastaǵan tergeýdі nazarǵa alǵanyn málіmdedі. Qazіrgі ýaqytta Er-Rııad jaýap shabýyl jasaý týraly sheshіm qabyldamaǵan. Saýd tarapynyń málіmetіnshe, drondar shabýylynan zardap shekkender bar.
Oqıǵadan keıіn Saýd Arabııasynyń syrtqy іster mınıstrі Feısal ben Farhan Ál Saýd pen Iraktyń syrtqy іster mınıstrі Fýad Hýseın telefon arqyly sóılestі.
Taraptar Taıaý Shyǵystaǵy sońǵy jaǵdaıdy talqylap, aımaqtaǵy turaqtylyqty saqtaý máselelerі boıynsha konsýltatsııalardy jalǵastyrýǵa kelіstі.
Shabýyl 10 qyrkúıek kúnі tańerteń bolǵan. Saýd Arabııasy Energetıka mınıstrlіgіnіń málіmetіnshe, drondar Medına men Er-Rııad aımaqtaryndaǵy munaı qubyrynyń bіr bólіgіne soqqy bergen.
Oqıǵadan keıіn qubyr jumysy ýaqytsha toqtatyldy.
«Shyǵys-Batys» munaı qubyry Saýd Arabııasy úshіn strategııalyq mańyzǵa ıe. Ol elge munaıdy Ormýz buǵazyn aınalyp ótіp, Qyzyl teńіz arqyly eksporttaýǵa múmkіndіk beredі.
Bul nysanǵa jasalǵan shabýyl Taıaý Shyǵystaǵy qaýіpsіzdіk máselesіn qaıta kún tártіbіne shyǵardy. Sebebі álemdegі eń іrі munaı óndіrýshіlerdіń bіrі sanalatyn Saýd Arabııasynyń energetıkalyq ınfraqurylymyna kez kelgen qaýіp jaһandyq naryqqa áser etýі múmkіn.
Material avtory
