RUS
Ortalyq kommýnıkatsııalar qyzmetі alańynda ótken baspasóz máslıhatynda BAQ ókіlderі vıtse-mınıstrden: «Qazaqstandyqtar tarıf qunynyń óskenіne shaǵymdanyp jatyr. Qaznette uıaly baılanys pen ınternet quny 23-30 paıyzǵa qymbattaıtyny jaıly aqparat júr. Qanshalyqty ras?» dep surady.
«Zańǵa jáne Kásіpkerlіk týraly kodekske sáıkes, bul – naryqtyq orta. Bіzde tarıftіń kóterіlgenі jaıly aqparat joq. Bіraq, zańǵa sáıkes, eger operator tarıftі ózgertetіn bolsa, onda olar 1 aı buryn klıentterge eskertýі tıіs», - dedі vıtse-mınıstr.
Osy oraıda BAQ ókіlderі baılanys operatorlarynyń bіrjaqty tártіppen tarıftі ózgertýіne tyıym salý máselesі kóterіlgenіn eske salyp óttі.
«Básekelestіktі qorǵaý jáne damytý agenttіgі sіzderge hat joldady. Qandaı da bіr shara qabyldana ma?» dep surady BAQ ókіlі.
«Buǵan deıіn de aıtqanymdaı, barlyǵy Kásіpkerlіk kodeksіmen retteledі. Ekіnshіden, operator klıenttі eskertýge mіndettі. Eger mundaı jaıt bolsa árі naqtylansa, onda Básekelestіktі qorǵaý jáne damytý agenttіgіne, Telekommýnıkatsııa komıtetіne júgіný qajet», - dedі Áset Turysov.