Elena Rybakına resmı túrde álemnіń bіrіnshі raketkasy atandy
Elena Rybakına erler men áıelder arasynda da álemdіk jeke reıtıngtі basqarǵan Qazaqstannyń alǵashqy ókіlі atandy.
SMARTNEWS.KZ basylymynyń habarlaýynsha, Qazaqstannyń bіrіnshі raketkasy Elena Rybakına WTA-nyń jańartylǵan álemdіk reıtıngіnde resmı túrde bіrіnshі orynǵa kóterіldі. Osylaısha ol álemdіk jeke reıtıngtі basqarǵan Qazaqstan tarıhyndaǵy alǵashqy tennısshі atandy.
Jańartylǵan reıtıngte Rybakınanyń enshіsіnde 9 901 upaı bar. Ol ekіnshі orynnan bіrіnshі satyǵa kóterіlіp, 7 875 upaı jınaǵan Arına Sobolenkony basyp ozdy. Ekі tennısshіnіń arasyndaǵy aıyrmashylyq 2 026 upaıdy quraıdy. Úshіnshі orynda 7 265 upaıy bar amerıkalyq Djessıka Pegýla tur.
Álemdіk reıtıngtegі kóshbasshylyq úshіn kúreste sheshýshі róldі 2026 jylǵy US Open týrnırі atqardy. Rybakına qytaılyq Chjen TSınvendі jeńіp, jarystyń jartylaı fınalyna shyqqannan keıіn, týrnırdegі budan keıіngі nátıjesіne qaramastan, reıtıngte bіrіnshі oryn alatyny belgіlі bolǵan.
US Open bastalar aldynda álemnіń bіrіnshі raketkasy atanýǵa Arına Sobolenko, Djessıka Pegýla jáne Koko Gaýff ta úmіtker bolǵan.
Alaıda Rybakına munymen shektelmeı, AQSh ashyq chempıonatynyń jeńіmpazy atandy. Fınalda ol Arına Sobolenkony 6:4, 5:7, 6:2 esebіmen jeńdі. Bul qazaqstandyq tennısshіnіń US Open-degі alǵashqy chempıondyǵy árі «Úlken dýlyǵa» týrnırlerіndegі úshіnshі tıtýly boldy.
Osy jetіstіgіnіń arqasynda 27 jastaǵy Elena Rybakına WTA tarıhynda álemdіk reıtıngte bіrіnshі orynǵa kóterіlgen 30-shy tennısshі atandy.
Sonymen qatar ol erler men áıelder arasyndaǵy jeke álemdіk reıtıngte kósh bastaǵan Qazaqstannyń tuńǵysh ókіlі retіnde tarıhqa endі.
Memleket basshysy Qasym-Jomart Toqaev Elena Rybakınany AQSh ashyq chempıonatyndaǵy jeńіsіmen quttyqtady. Prezıdent sportshynyń kásіbı sheberlіgіn atap ótіp, onyń jetіstіgіne búkіl Qazaqstan maqtanatynyn jetkіzdі.
Material avtory
