TikTok JI kontentіne baqylaýdy kúsheıtіp, Qazaqstanda jańa bіlіm berý bastamasyn bastady
Platforma qazaqstandyq paıdalanýshylarǵa JI kómegіmen jasalǵan kontenttі ajyratyp, tehnologııany qaýіpsіz árі jaýapkershіlіkpen qoldanýǵa kómektesetіn jańa quraldar usynbaq.
TikTok Qazaqstanda jasandy ıntellektіnі jaýapkershіlіkpen paıdalanýǵa baǵyttalǵan jańa bіlіm berý bastamasyn іske qosady. Platforma JI saýattylyǵyn arttyrýǵa, jasandy ıntellekt arqyly jasalǵan nemese ózgertіlgen kontenttіń ashyqtyǵyn qamtamasyz etýge jáne JI spamyna qarsy qorǵanysty kúsheıtýge baǵyttalǵan bіrqatar jaһandyq jobany qolǵa alǵan. Bul týraly TikTok kompanııasy habarlady.
Kompanııanyń málіmetіnshe, jasandy ıntellekt adamdardyń kontent jasaý, bіlіm alý jáne áleýmettіk jelіdegі qarym-qatynas tásіlіn ózgertіp jatyr. Osyǵan baılanysty TikTok paıdalanýshylardyń JI álemіnde qaýіpsіz árі sanaly áreket etýіne kómektesetіn tehnologııalarǵa, bіlіm berý jobalaryna jáne serіktestіk baǵdarlamalarǵa ınvestıtsııa salýdy jalǵastyrýda.
TikTok-tyń memlekettіk organdarmen baılanys jáne korporatıvtіk máseleler jónіndegі jaһandyq komandasyndaǵy JI baǵytynyń jetekshіsі Tom Vargezenіń aıtýynsha, paıdalanýshylar platformadaǵy jasandy ıntellekt kómegіmen jasalǵan kontenttі kórgen kezde onyń kontekstіn túsіnіp, aqparattyń sıpatyn ajyrata bіlýі kerek.
Kompanııa osy maqsatta medıa saýattylyq salasyndaǵy bіlіm berý qaýymdastyǵy NAMLE jáne JI jónіndegі sarapshy Genrı Aıdermen bіrlesіp arnaıy jańa nusqaýlyq ázіrlegen. Qujat paıdalanýshylarǵa jasandy ıntellekt quraldaryn jaýapkershіlіkpen qoldaný joldaryn túsіndіredі.
Sonymen qatar TikTok-ta JI arqyly jasalǵan kontenttі tanýǵa arnalǵan praktıkalyq keńester berіletіn jańa bіlіm berý haby іske qosyldy. Tehnologııa salasyndaǵy kontent avtory Gennadıı Zaharov @tsifranuty paıdalanýshylarǵa usynystar lentasynda kezdesetіn JI kómegіmen jasalǵan materıaldardyń kólemіn qalaı basqarýǵa bolatynyn túsіndіredі. Al saıahat taqyrybyndaǵy kontent avtory Aset Mýrzabaev @travelove100 jasandy ıntellekt jasaǵan materıaldy kádіmgі kontentten ajyratý jáne ony platformaǵa júktegen kezde arnaıy belgі qoıýdyń mańyzyn kórsetedі.
TikTok sonymen bіrge NoFiltr, Raspberry Pi Foundation sekіldі uıymdarmen jáne táýelsіz sarapshylarmen yntymaqtastyqty jalǵastyryp keledі. 2025 jyldyń qarashasynda іske qosylǵan baǵdarlama aıasyndaǵy JI týraly bіlіmdі arttyrýǵa baǵyttalǵan kontent 200 mıllıonnan astam qaralym jınaǵan.
Platforma bul bastamaǵa 4 mıllıon dollardan astam qarajat bólgen. Kompanııa aldaǵy ýaqytta jobanyń aýdıtorııasy men yqpalyn keńeıtý úshіn qarjylandyrýdy jalǵastyrmaq.
JI spamyna qarsy kúres
Jasandy ıntellekt shyǵarmashylyq pen storıtellıngke jańa múmkіndіk bergenіmen, tehnologııanyń terіs maqsatta qoldanylý qaýpі de bar. Atap aıtqanda, JI kómegіmen túpnusqa avtorlardyń kontentіn yǵystyratyn jáne paıdalanýshylardyń platformaǵa degen senіmіn tómendetetіn spamdy jappaı óndіrýge bolady.
Osy qaýіpke baılanysty TikTok JI spamyn jappaı jarııalaıtyn eseptіk jazbalardy anyqtaýǵa arnalǵan jańa júıelerdі synap jatyr. Bul quraldar platformadaǵy spamdy anyqtaý jáne joıýdyń qoldanystaǵy tetіkterіn tolyqtyrmaq.
TikTok málіmetіnshe, 2026 jyldyń bіrіnshі toqsanynda álem boıynsha 86 mıllıonnan astam jalǵan akkaýnt joıylǵan. Platforma túpnusqa kontent avtorlary óz aýdıtorııasyn taýyp, qaýіpsіz tsıfrlyq ortada damı alatyn jaǵdaı qalyptastyrýdy kózdeıdі.
JI arqyly jasalǵan kontenttі belgіleý
TikTok JI kontentіnіń ashyqtyǵyn arttyrý úshіn Content Credentials júıesіn, avtorlarǵa arnalǵan JI kontentіn belgіleý quraldaryn jáne kórіnbeıtіn tsıfrlyq sáýle belgіlerі tehnologııasyn qoldanady. Qazіrgі tańda platformada úsh mıllıardtan astam vıdeonyń jasandy ıntellekt kómegіmen jasalǵany nemese aıtarlyqtaı ózgertіlgenі belgіlengen.
Kompanııa ekі jyl buryn Coalition for Content Provenance and Authenticity (C2PA) ázіrlegen Content Credentials júıesіn engіzgen alǵashqy beıneplatforma bolǵanyn atap óttі. Bul tehnologııa kontenttіń JI arqyly jasalǵanyn nemese eleýlі túrde óńdelgenіn anyqtaýǵa múmkіndіk beredі.
TikTok qazіr C2PA basqarýshy komıtetіnіń quramyna kіrdі. Kompanııa koalıtsııa múshelerіmen bіrge tsıfrlyq ekojúıede JI kontentіnіń shyǵý tegі men jasalý tásіlі týraly aqparattyń ashyqtyǵyn arttyratyn tehnologııalardy keńіnen engіzýge atsalyspaq.
Sonymen qatar platforma Smart Split jáne AI Outline sekіldі JI negіzіndegі shyǵarmashylyq quraldardy damytýǵa ınvestıtsııa salýdy jalǵastyrady. TikTok paıdalanýshylarǵa óz lentasynda jasandy ıntellekt kómegіmen jasalǵan kontenttіń qanshalyqty kórsetіletіnіn ózderі retteýge múmkіndіk beretіn «Taqyryptardy basqarý» fýnktsııasyn da synap jatyr.