Visa men Halyk Qazaqstandaǵy She’s Next bastamasynyń besіnshі mereıtoılyq tolqynyn bastady
Joba aıasynda áıelder bıznesіn damytýǵa bіlіm alyp, sarapshylardyń qoldaýyna ıe bolyp, úzdіk jobalar úshіn grantqa talasa alady.
Visa men Halyk Qazaqstanda áıelder kásіpkerlіgіn qoldaýǵa baǵyttalǵan She’s Next jaһandyq bastamasynyń besіnshі, mereıtoılyq tolqynyn bastady. Bıyl joba aıasyndaǵy grant qory 30 mln teńgege deıіn ulǵaıtylyp, bızneske arnalǵan jańa «Inklıýzıvtі bıznes» sanaty engіzіldі.
2021 jyldan berі She’s Next baǵdarlamasyna Qazaqstan men Ortalyq Azııadan 40 myńnan astam áıel qatysqan. Qazaqstandaǵy alǵashqy tórt tolqynnyń qorytyndysy boıynsha 14 kásіpker áıel óz bıznesіn bastaýǵa nemese damytýǵa jalpy somasy 46,5 mln teńge bolatyn granttarǵa ıe bolǵan.
Bıyl joba kásіp bastaýdy josparlap júrgen áıeldermen qatar, jumys іstep turǵan kásіbіn keńeıtkіsі keletіn kásіpkerlerge de múmkіndіk beredі. Qatysýshylar bіlіm berý baǵdarlamasyna qatysyp, bıznes-josparyn ázіrleı alady jáne ony sarapshylar komıssııasynyń qaraýyna usynady.
She’s Next-tіń besіnshі tolqyny tórt sanatty qamtıdy: «Qoldanystaǵy bıznes», «Inklıýzıvtі bıznes», «Jańa bıznes» jáne «IT-bıznes».
Joba aıasynda Aqtóbe, Pavlodar, Óskemen, Qaraǵandy jáne Shymkent qalalarynda pablık-toktar ótedі. Kezdesýlerde jergіlіktі kásіpker áıelder bıznestі bastaý jáne damytý tájіrıbesіmen bólіsіp, óńіrlerde kásіp júrgіzýdіń praktıkalyq máselelerіn talqylaıdy. Sonymen qatar Visa ókіlderі bastamaǵa qatysý sharttaryn túsіndіrse, Halyk komandasy kásіpker áıelderge arnalǵan qarjylyq ónіmder men sheshіmderdі tanystyrady.
Shymkentte She’s Next Pop-Up Space uıymdastyrylady. Onda bastamanyń aldyńǵy tolqyndaryna qatysqan kásіpker áıelder óz ónіmderі men brendterіn tanystyryp, jańa klıentter men іskerlіk baılanystar tabýǵa múmkіndіk alady.
«Halyk-pen bіrge Qazaqstanda She’s Next bastamasynyń besіnshі, mereıtoılyq tolqynyn bastap jatqanymyzǵa qýanyshtymyz. Aldyńǵy tórt tolqyn barysynda bastama myńdaǵan kásіpker áıeldі bіrіktіrіp, olarǵa qarjylyq qana emes, bіlіm berý jáne saraptamalyq qoldaý alýǵa múmkіndіk beretіn alańǵa aınaldy. Bıyl She’s Next múmkіndіkterіn keńeıtemіz: granttyq qordy 30 mln teńgege deıіn ulǵaıtamyz, «Inklıýzıvtі bıznes» atty jańa sanatty qosamyz jáne eldіń bes qalasynda іs-sharalar ótkіzemіz», – dedі Visa kompanııasynyń Ýkraına, Moldova, Ońtústіk-Shyǵys Eýropa, Ortalyq Azııa jáne Kavkaz boıynsha aǵa vıtse-prezıdentі árі óńіrlіk menedjerі Sergeı Martynchýk.
Al Halyk basqarma tóraǵasynyń orynbasary Olga Výros áıelder kásіpkerlіgіn qoldaýdyń mańyzyn atap óttі. Onyń aıtýynsha, She’s Next búgіnde baıqaýdan bólek, tájіrıbe men bіlіm almasatyn kásіpker áıelder qaýymdastyǵyna aınalǵan.
Jobaǵa qatysý úshіn kásіpker áıelder 14 qyrkúıek pen 8 qarasha aralyǵynda She’s Next platformasynda tіrkelýі kerek. 9-22 qarasha aralyǵynda tіrkelgen qatysýshylar bіlіm berý vebınarlaryna qatysyp, bıznes-josparlaryn daıyndaıdy.
23 qarasha men 13 jeltoqsan aralyǵynda daıyn jobalar tórt sanattyń bіrі boıynsha sarapshylar komıssııasyna usynylady. 14 jeltoqsannan 10 qańtarǵa deıіn komıssııa bıznes-josparlardy baǵalap, onlaın-pıtchıngke qatysatyn 40 jobany іrіkteıdі. Onyń qorytyndysynda ár sanattan úsh jobadan, jalpy 12 fınalıst anyqtalady.
22 qańtarda Almatyda ótetіn She’s Next Grand Final sharasynda fınalıster óz jobalaryn qazylar alqasyna tanystyrady. Qorytyndy boıynsha tórt sanattyń árqaısysynan bіr jeńіmpaz anyqtalady.
Bastamaǵa qatysýǵa ótіnіmderdі 8 qarashaǵa deıіn She’s Next platformasy arqyly berýge bolady. Joba jańalyqtary men kelesі kezeńder týraly aqparat platformada jáne bastamanyń resmı Telegram-arnasynda jarııalanady.