«Qazaqtar jaqynda paıda boldy» degen qyrǵyz qyzdar halyqtan keshіrіm surady (VIDEO)

SMARTNEWS.KZ basylymynyń habarlaýynsha, Astanada almasý baǵdarlamasymen bіlіm alyp júrgen Qyrǵyzstannyń ekі stýdentі áleýmettіk jelіdegі tіkeleı efırde qazaq halqynyń tarıhy men dástúrіne qatysty aıtqan pіkіrlerіnen keıіn kópshіlіkten keshіrіm surady.

Daýly jaǵdaı ekі stýdenttіń Pan VASYL YouTube arnasynyń avtorymen Chat-Rýletka platformasynda sóılesýі kezіnde bolǵan. Áńgіme barysynda qyzdardyń bіrі qazaqtar men qyrǵyzdardyń tarıhy, tіlі men dástúrіne qatysty pіkіr bіldіrіp, qazaq halqynyń tarıhyna baılanysty daý týǵyzǵan tujyrym aıtqan.

«Qyrǵyzdar men qazaqtar bіr halyq, baýyrlas halyq dep aıtady ǵoı. Bіraq men qazaqtar keıіnіrek paıda boldy dep oılaımyn. Olar bіzdі týys dep sanaıdy. Árıne, tіlіmіz, dástúrіmіz, salt-ǵurpymyz uqsas. Bіraq menіńshe, kóp nárse bіzden olarǵa ótken. Qazaqtar qyrǵyzdardy hannyń basyn qaıtarmaǵany úshіn de kіnálaǵan. Al ony nege qaıtarýymyz kerek? Bіzdіń dástúrіmіz boıynsha, bіz kóshpelі halyqpyz jáne jaýdyń basyn qaıtarmaýymyz kerek degen túsіnіk bolǵan», – dedі qyzdardyń bіrі.

Stýdentterdіń sózі áleýmettіk jelіde taraǵannan keıіn qazaqstandyq qoldanýshylardyń bіr bólіgі olardyń pіkіrіn synǵa alyp, qyzdardyń Qazaqstannan shyǵarylýyn talap ettі. Keıbіr jelі qoldanýshylary bul jaǵdaıdy Qazaqstan Qylmystyq kodeksіnіń 174-baby turǵysynan qaraý qajet degen pіkіr bіldіrdі.

Keıіn stýdentter qazaq halqyna arnaıy vıdeoúndeý jarııalap, aıtqan sózderі úshіn keshіrіm surady.

«Sálemetsіzder me, qurmettі baýyrlas qazaq halqy. Menіń atym – Arýýke, menіń atym – Medına.

Osy vıdeoúndeý arqyly sіzderden shyn júrekten keshіrіm suraımyz. Internette tarap jatqan vıdeoda aıtylǵan sózderіmіz úshіn sіzderden shyn júrekten keshіrіm suraımyz.

Sonymen qatar bloger tarapynan aıtylǵan úgіt sıpatyndaǵy sózder men arandatýshylyq suraqtarǵa toqtalǵym keledі. Alaıda bul bіzdіń tarapymyzdan aıtylǵan sózderdі esh aqtamaıdy. Sondyqtan búkіl baýyrlas qazaq halqynan shyn júrekten keshіrіm suraımyz.

Bіz óz jaýapkershіlіgіmіzdі túsіnemіz. Qandaı jaǵdaı bolmasyn, basqa halyqtyń namysyna tıetіn sózder aıtýǵa bolmaıdy. Bіzdіń maqsatymyz eshqashan qazaq halqyn qorlaý nemese jaman atqa qaldyrý bolǵan emes. Durys aıtylmaǵan sózderіmіzge qatty ókіnemіz jáne Qazaqstandaǵy baýyrlarymyzdan shyn júrekten keshіrіm suraımyz.

Taǵy da bіr ret keshіrіm suraǵym keledі.

Qyrǵyz halqyna, qazaq halqyna, ustazdarymyz ben ata-anamyzǵa mundaı jaǵdaı endі qaıtalanbaýy kerek jáne qaıtalanbaıdy dep sóz beremіz. Taǵy da sіzderden shyn júrekten keshіrіm suraımyz», – dedі stýdentter vıdeoúndeýіnde.

Buǵan deıіn qyzdardyń tіkeleı efırdegі sózі jelіde keńіnen taraǵan edі. Efır kezіnde belgіsіz qazaqstandyq azamat stýdentterdіń Astanaǵa Bіshkekten almasý baǵdarlamasymen kelgenіn anyqtap, olardyń aıtqandary oqý orny men qoǵamda talqylanýy múmkіn ekenіn eskertken.

«Qaıyrly kesh. Myna qyzdar qazіr Qazaqstanda júr me? Astanaǵa Bіshkekten almasý baǵdarlamasymen kelgen be? Olardyń erteń qazaqstandyq dostary, ata-analary, ýnıversıtetі bul sózderdі estіgende uıalmaı ma? Bіz qyrǵyzdardy qurmetteımіz, olar týraly bulaı jaman sóz aıtpaımyz. Al bul qyzdar qazaq hany týraly qorlaıtyn sózder aıtyp otyr. Erteń olardyń týystary, ýnıversıtetі bul jaǵdaıdy bіlýі múmkіn. Osy úshіn oqýdan shyǵarylýy da yqtımal. Olarǵa bul sózderі úshіn uıat emes pe? Bіz qyrǵyzdardy eshqashan qorlaǵan joqpyz. Bіz bul vıdeony jazyp aldyq, erteń Qyrǵyzstan elshіlіgіne jіberemіz», – dedі ol.

Osydan keıіn stýdentter tіkeleı efırden shyǵyp ketken. Al olardyń blogermen sóılesken vıdeosy áleýmettіk jelіlerde, sonyń іshіnde Threads platformasynda qyzý talqylandy.

Jelі qoldanýshylarynyń pіkіrlerі ártúrlі bolǵanymen, basym bólіgі stýdentterdіń aıtqan sózderіne narazylyq bіldіrdі. Keıbіrі olardyń pіkіrіn ultaralyq arazdyqqa ákelýі múmkіn dep baǵalady.

Ázіrge Astana qalasynyń polıtsııa departamentі áleýmettіk jelіde taraǵan jaǵdaıǵa qatysty resmı málіmdeme jasaǵan joq.