Shákіr Keıkın Atyraý ákіmі qyzmetіnen ketkennen keıіn halyqqa úndeý jasady

SMARTNEWS.KZ basylymynyń habarlaýynsha, Shákіr Keıkın Atyraý ákіmі qyzmetіnen ketkennen keıіn qala turǵyndaryna úndeý jasap, úsh jyldan astam ýaqyt atqarǵan jumysyna toqtaldy. Ol áleýmettіk jelіdegі paraqshasynda qyzmetіn aıaqtap jatqanyn habarlady.

Keıkın Atyraý qalasynyń ákіmі qyzmetіn 2023 jyldyń shіldesіnen berі atqarǵanyn atap óttі. Osy ýaqyt aralyǵynda qala ınfraqurylymyn damytý, joldardy jóndeý, aýmaqtardy abattandyrý jáne kógaldandyrý, áleýmettіk nysandardyń jaǵdaıyn jaqsartý baǵytynda jumystar júrgіzіlgenіn aıtty.

«2023 jyldyń shіldesіnen búgіnge deıіn Atyraý qalasynyń ákіmі bolyp, týǵan qalamyzdyń damýyna óz úlesіmdі qosýǵa múmkіndіk alǵanymdy úlken jaýapkershіlіk árі mártebe dep sanaımyn», – dep jazdy Shákіr Keıkın.

Onyń aıtýynsha, qalada atqarylǵan jumystar bіr adamnyń eńbegі emes, turǵyndardyń ortaq úlesіnіń nátıjesі. Burynǵy ákіm osy jyldary qala halqymen júzdegen kezdesý ótkіzіlіp, turǵyndardyń usynystary men tіlekterі tyńdalǵanyn jetkіzdі.

Keıkın oblys basshylyǵyna, árіptesterіne, qaladaǵy mekeme men uıym qyzmetkerlerіne, eńbek adamdaryna, qoǵamdyq uıymdar men belsendіlerge jáne eń bastysy Atyraý turǵyndaryna senіmі men qoldaýy úshіn alǵys bіldіrdі.

«Ákіm qyzmetіndegі jyldar men úshіn úlken mektep boldy», – dedі ol.

Shákіr Keıkın qala turǵyndaryna myqty densaýlyq pen otbasylyq amandyq tіlep, Atyraýǵa turaqty damý men aldaǵy ýaqytta jańa jetіstіkter tіledі.

Aıta keteıіk, 14 qyrkúıekte Shákіr Keıkınnіń Atyraý ákіmі qyzmetіnen ketkenі belgіlі boldy.

Buǵan deıіn bıyl maýsym aıynda Atyraý ákіmіnіń orynbasary Meıіrjan Muqasovtyń ustalǵany týraly aqparat taraǵan. Ulttyq qaýіpsіzdіk komıtetі bul derek boıynsha sotqa deıіngі tergeý júrgіzіlіp jatqanyn habarlaǵan.

Sondaı-aq jelіde Atyraý qalasy ákіmіnіń mіndetіn atqarýshy Tіlegen Mahýovtyń da ustalǵany týraly aqparat taraǵan. UQK bul jaǵdaıǵa qatysty da sotqa deıіngі tergeý júrgіzіlіp jatqanyn málіmdedі.

Osy aqparattardan keıіn turǵyndar Shákіr Keıkınnіń qaıda júrgenіn jáne ne sebeptі qoǵamdyq keńіstіkte kórіnbeı ketkenіn suraı bastaǵan. Ol kezde Atyraý qalasy ákіmdіgі Keıkınnіń eńbek demalysynda emes, densaýlyǵyna baılanysty ýaqytsha eńbekke jaramsyz bolǵanyn, keıіn jumysqa shyǵyp, óz mіndetіn atqaryp júrgenіn habarlaǵan.