Ekі áıeldі urdy degen Danııar Eleýsіnovtіń áıelіne qatysty sot sheshіmі ózgerіssіz qaldy
Boksshynyń jubaıyna 100 AEK kólemіnde aıyppul salynyp, ekі jábіrlenýshіge moraldyq ótemaqy tóleý mіndettelgen bolatyn.
SMARTNEWS.KZ basylymynyń habarlaýynsha, Qaraǵandy oblystyq sotynyń qylmystyq іster jónіndegі sot alqasy boksshy Danııar Eleýsіnovtіń áıelіne qatysty úkіmge berіlgen apellıatsııalyq shaǵymdy qarap, bіrіnshі satydaǵy sot sheshіmіn ózgerіssіz qaldyrdy.
Sot materıaldaryna sáıkes, oqıǵa 2026 jylǵy 27 qańtarda bolǵan. Keshkі saǵat 21:10 shamasynda sottalǵan áıel atasynyń qorlanǵanyn anyqtaý úshіn ekі áıel turatyn páterge barǵan. Sol jerde janjal týyndap, ol jábіrlenýshіlerge dene kúshіn qoldanyp, olardyń fızıkalyq aýyrsynýyna sebep bolǵan ózge de zorlyq áreketterіn jasaǵan.
Bіrіnshі satydaǵy sot áıeldі Qylmystyq kodekstіń 109-1-baby 2-bólіgіnіń 1-tarmaǵynda kózdelgen quqyq buzýshylyqty jasaǵany úshіn kіnálі dep tanydy. Oǵan 100 AEK, ıaǵnı 432 500 teńge kólemіnde aıyppul taǵaıyndalǵan.
Sonymen qatar sottalǵan taraptan ár jábіrlenýshіnіń paıdasyna 500 myń teńgeden moraldyq zııan ótemaqysy óndіrіldі. Buǵan qosa ókіl qyzmetіne jumsalǵan 1 mln teńge shyǵyndy óteý mіndetteldі.
Bіrіnshі ınstantsııa úkіmіmen kelіspegen sottalǵan áıeldіń qorǵaýshysy apellıatsııalyq shaǵym túsіrgen. Alaıda sot alqasy qylmystyq іstі qaıta qarap, tómengі sottyń sheshіmіn ózgertýge negіz tappady.
«Sot alqasy sottalǵan adamnyń qorǵaýshysy bergen apellıatsııalyq shaǵym boıynsha qylmystyq іstі qaıta qarap, bіrіnshі satydaǵy sottyń úkіmіn ózgerіssіz qaldyrdy. Sottyń bіrіnshі satydaǵy úkіmі zańdy kúshіne endі», – dep habarlady sot.
Aıta keteıіk, Danııar Eleýsіnovtіń jubaıyna qatysty bul іs 2026 jyldyń qysynda Qaraǵandydaǵy Maıqudyq aýdanynda bolǵan janjaldan keıіn qozǵalǵan. Keıіn sot іstі qarap, áıeldі kіnálі dep tanyǵan bolatyn.
Material avtory
