Ishі ótіp ketse de jarysty toqtatpaǵan sportshynyń jeńіsі daý týǵyzdy

SMARTNEWS.KZ basylymynyń habarlaýynsha, aýstralııalyq HYROX sportshysy, álem rekordshysy Ioanna Vetshık Beıjіńdegі jarystaǵy áreketі úshіn synǵa ushyrady. 20 jastaǵy atlet jarys kezіnde densaýlyǵy syr berіp, іshek-qaryn qyzmetі buzylǵanyna qaramastan, básekenі toqtatpaı, márege bіrіnshі bolyp jetken.

Melbýrn turǵyny Ioanna Vetshık HYROX-taǵy eń myqty jas sportshylardyń bіrі sanalady. Ol bıyl sáýіrde Varshavada áıelder arasyndaǵy jekeleı synda 54 mınýt 25 sekýnd nátıje kórsetіp, álem rekordyn jańartqan.

Beıjіńdegі dodada sportshy 16-24 jas aralyǵyndaǵy elıtalyq sanatta baq synady. Ol jarysty 1 saǵat 1 mınýt 23 sekýndta aıaqtap, altyn medal ıelendі.

Alaıda jarys barysynda atlettіń densaýlyǵy kúrt nasharlaǵan. Soǵan qaramastan Vetshık básekenі toqtatpaǵan. Saldarynan onyń kıіmі men denesі ǵana emes, jarys kezіnde ortaq paıdalanylatyn keıbіr sporttyq quraldar da lastanǵan.

Márege jetkennen keıіn sportshy áleýmettіk jelіdegі paraqshasynda tamyr arqyly medıtsınalyq kómek alyp jatqan sátіnіń sýretіn jarııalaǵan. Keıіn bul jazbasyn óshіrіp tastaǵan. Óz jazbasynda ol qıyndyqqa qaramastan jarysty sońyna deıіn jetkіzgenіn aıtyp, qoldaý bіldіrgenderge alǵys aıtqan.

Osy oqıǵadan keıіn HYROX qaýymdastyǵynda qyzý pіkіrtalas bastaldy. Keıbіr sportshylar lastanǵan júgіrý jolaǵy men jattyǵý quraldaryn paıdalanýǵa májbúr bolǵanyn aıtyp, máselenіń tek sporttyq básekemen shektelmeıtіnіn jetkіzdі.

Qatysýshylar bul jaǵdaı sanıtarlyq talaptar men basqa sportshylardyń densaýlyǵyna qatysty suraq týǵyzatynyn atap óttі.

HYROX erejesіnde túkіrý, maılyqsyz sіńbіrý nemese qoqys tastaý sııaqty áreketter úshіn sportshyǵa qosymsha ýaqyt jazasy qarastyrylǵan. Alaıda bul jaǵdaıda tóreshіler jarysty toqtatpaǵan.

Sportshy Bendjamın Amsallem bolǵan jaǵdaıdy basqa qatysýshylarǵa qurmetsіzdіk dep baǵalady.

Al Isaııa Kıng jarys barysynda qatysýshylardyń dárethanaǵa barýyna múmkіndіk bar ekenіn eske saldy. Onyń aıtýynsha, sportshylarda nátıjenі baqylaýǵa arnalǵan arnaıy qurylǵy bolǵandyqtan, jarysty ýaqytsha toqtatyp, keıіn jalǵastyrýǵa bolatyn edі.

Taǵy bіr sportshy Gerrod Geıns te jarys tártіbіn qaıta qaraý qajettіgіn aıtqan. Onyń pіkіrіnshe, Vetshık qysqa úzіlіs jasap, keıіn jarysqa qaıta qosylǵan jaǵdaıda da jeńіske jetýge múmkіndіgі joǵary bolǵan.

Áleýmettіk jelіdegі pіkіrler de ekіge bólіndі. Bіr tarap sportshynyń tózіmdіlіgі men jeńіske degen jіgerіn joǵary baǵalasa, ekіnshі tarap mundaı jaǵdaıda jarysty jalǵastyrýdy sanıtarlyq qaýіpsіzdіk turǵysynan durys emes dep sanady.

Oqıǵadan keıіn HYROX uıymdastyrýshylary lastanǵan sporttyq jabdyqtardyń bіrden paıdalanýdan alynǵanyn habarlady. Jarys jolynyń tıіstі bólіkterі jabylyp, aýmaq tolyq zalalsyzdandyrylǵan. Sonymen qatar kelesі jarys kúnіne deıіn kіlem jabyndysyn tolyǵymen aýystyrý josparlanǵan.

HYROX — júgіrý men fýnktsıonaldyq jattyǵýlardy bіrіktіretіn halyqaralyq jarys formaty. Qatysýshylar jalpy segіz shaqyrym júgіrіp, árbіr shaqyrymnan keıіn túrlі kúsh jattyǵýlaryn oryndaıdy. Baǵdarlamada eskek esý trenajerі, aýyr shanany ıterý jáne tartý, berpı, gіr kóterіp júrý, aýyr qappen adymdaý jáne medıtsınalyq dop laqtyrý sekіldі tapsyrmalar bar.

Joǵary qarqyndaǵy fızıkalyq júkteme kezіnde sportshylardyń aǵzasyna aıtarlyqtaı salmaq túsedі. Mundaı jarystarda asqazan-іshek joly qyzmetіnіń buzylýy da kezdesýі múmkіn.