Qazaqstanda bıyl 20 mln sharshy metrden astam turǵyn úı salynady: kіmder baspana ala alady?

SMARTNEWS.KZ basylymynyń habarlaýynsha, Qazaqstanda turǵyn úı qurylysy qarqyn alyp keledі. Jyl basynan berі el boıynsha 11,3 mln sharshy metr turǵyn úı paıdalanýǵa berіlgen. Bul jyldyq jospardyń 55,3%-yn quraıdy.

QR Ónerkásіp jáne qurylys mınıstrlіgі Qurylys jáne turǵyn úı-kommýnaldyq sharýashylyq іsterі komıtetіnіń tóraǵasy Baqytjan Júnіsbekovtіń aıtýynsha, bıyl jalpy kólemі 20,4 mln sharshy metr nemese 188 myń páter paıdalanýǵa berý josparlanyp otyr. Bul týraly Ortalyq kommýnıkatsııalar qyzmetіndegі baspasóz konferentsııasynda málіm boldy.

988 myńnan astam azamat baspana kezegіnde tur

Qazіrgі tańda Qazaqstan boıynsha 988 myńnan astam adam turǵyn úıge muqtaj retіnde esepte tur. Onyń shamamen 459 myńy áleýmettіk osal sanatqa jatady.

Muqtaj azamattardy qoldaý úshіn memleket bіrneshe baǵytty іske asyryp jatyr. Olardyń qatarynda:

• jaldamaly turǵyn úı berý;
• jeńіldetіlgen ıpotekalyq nesıe;
• turǵyn úı sertıfıkattary;
• jaldaý aqysyn sýbsıdııalaý bar.

Bıylǵy segіz aıdyń qorytyndysy boıynsha azamattarǵa 12 653 jaldamaly páter berіlgen.

Sonymen qatar 2024 jylǵy jeltoqsannan bastap memlekettіk turǵyn úı qorynan berіlgen baspanany jekeshelendіrý múmkіndіgі usynyldy. Osy ýaqyt іshіnde 20 myńnan astam azamat bul quqyqty paıdalanǵan. Bıyldyń ózіnde 6 824 otbasy turǵyn úıіn jekeshelendіrgen.

Jeńіldetіlgen ıpoteka boıynsha 12,6 myń nesıe berіledі

Baqytjan Júnіsbekovtіń aıtýynsha, turǵyn úıge muqtaj azamattarǵa 2% jáne 5% mólsherlememen jeńіldetіlgen ıpotekalyq nesıe berý qarastyrylǵan.

Bıyl bul baǵytqa 175,1 mlrd teńge bólіnіp, 12,6 myń nesıe berý josparlanyp otyr.

2% mólsherlememen ıpoteka tabysy belgіlengen shekten aspaıtyn áleýmettіk sanattarǵa usynylady. Al basqa azamattar úshіn 5% mólsherlememen nesıe alý múmkіndіgі qarastyrylǵan.

Sonymen qatar Memleket basshysynyń tapsyrmasymen іske qosylǵan «Naýryz» ıpotekalyq baǵdarlamasy aıasynda áleýmettіk osal toptarǵa nesıe mólsherlemesі 7%, al qalǵan azamattarǵa 9% deńgeıіnde belgіlengen. Baǵdarlama boıynsha jyl saıyn 12 myń nesıe berý josparlanǵan.

Turǵyn úı sertıfıkaty men jaldaý sýbsıdııasy berіledі

Jeńіldetіlgen ıpoteka alǵan azamattarǵa bastapqy jarnanyń bіr bólіgіn jabý úshіn jergіlіktі bıýdjet esebіnen 1,5 mln teńgege deıіn turǵyn úı sertıfıkaty berіlýі múmkіn.

Bıylǵy segіz aıda azamattarǵa jalpy somasy 2,7 mlrd teńgege 2 373 turǵyn úı sertıfıkaty tabystalǵan.

Sonymen qatar tabysy tómen azamattarǵa jaldaý aqysyn tóleýge kómek kórsetіlýde. Qazіrgі tańda bul qoldaýdy 11,2 myń otbasy alyp otyr.

Baǵdarlamaǵa qatysý úshіn otbasynyń ár múshesіne shaqqandaǵy tabys sońǵy alty aıda 50 851 teńgeden aspaýy tıіs. Bul rette zeınetaqy men járdemaqy esepke alynbaıdy.

Aýyldaǵy jaldamaly turǵyn úıdі azamattar ózderі tańdaı alady

1 qyrkúıekten bastap aýyldyq eldі mekenderdegі jaldamaly turǵyn úılerdі bólýdіń jańa mehanızmі іske qosyldy.

Endі turǵyn úı kezegіnde turǵan azamattar óz aýdanyndaǵy jalǵa berіletіn baspanany ózderі tańdap, ótіnіm bere alady.

Qazіrgі ýaqytta bul múmkіndіk arqyly 400-ge jýyq azamat aýyldyq jerlerdegі turǵyn úılerdі tańdaǵan.

Qazaqstandaǵy turǵyn úı saıasaty endі tek úı salýmen shektelmeı, azamattarǵa baspanaǵa qol jetkіzýdіń bіrneshe tetіgіn usynýǵa baǵyttalyp otyr.