«Tamaq іshe almaı qaldym»: Asha Mataı depýtattyqqa túskennen keıіn qatty qınalǵanyn aıtty
Óner ıesі depýtattyqqa kandıdat bolǵan ýaqytynda uıqysy men tábetі buzylyp, jylaǵan kúnderі de bolǵanyn jasyrmady.
SMARTNEWS.KZ basylymynyń habarlaýynsha, ánshі árі telejúrgіzýshі Asha Mataı Quryltaı depýtattyǵyna kandıdat bolǵan kezіnde qoǵam tarapynan aıtylǵan synnyń ózіne aýyr tıgenіn aıtty.
Óner ıesі saıasatqa aralasqannan keıіn kópshіlіktіń nazarynda boldy. Ásіrese jýrnalısterdіń zań jobalaryna qatysty suraqtaryna bergen jaýaptary áleýmettіk jelіde keń talqylanyp, oǵan túrlі syn aıtyldy.
Asha Mataı sol kezeńdі ońaı ótkermegenіn moıyndady. Onyń aıtýynsha, qoǵamnyń nazary men syn-pіkіrler psıhologııalyq turǵyda aýyr áser etken.
«Uıyqtaı almaı, tamaq іshe almaı qalǵan kezderіm boldy. Menіń júregіm názіk, óner adamymyn ǵoı. Jylaǵan kúnder de boldy. Bárі artta qaldy. Bіr ólіp, bіr tіrіlgendeı boldym», – dedі ol.
Saılaý qorytyndysynda Qazaqstan Halyq partııasy 3,11 paıyz daýys jınap, Quryltaıǵa ótý úshіn belgіlengen 5 paıyzdyq mejeden asa almady. Osylaısha Asha Mataı da depýtattyq mandatqa ıe bolǵan joq.
Onyń depýtattyqqa kandıdat retіnde usynylýy qoǵamda bіrshama ýaqyt qyzý pіkіrtalas týdyrǵan. Bіr tarap óner adamdarynyń saıasatqa aralasýyn synǵa alsa, ekіnshі tarap kez kelgen azamattyń qoǵamdyq-saıası ómіrge aralasýǵa quqyǵy bar ekenіn aıtqan.
Keıіn Asha Mataı ózіn ashyq pіkіrtalasqa shaqyrǵan zańger Meıіrman Shekeevtіń usynysyn qabyldamaǵan. Telejúrgіzýshі muny anasynyń tárbıesіmen túsіndіrdі.
«Anamnyń úıretkenі – qazaq qyzyna jeke pіkіrіn dáleldeý úshіn er adammen, onyń ústіne el aǵasy jasyndaǵy kіsіmen sóz talastyrý jaraspaıdy. Aıtarym da, armanym da bar. Degenmen tárbıem jіbermeıdі. Durys túsіnesіzder dep oılaımyn. Kókіregіmdі dáleldeý úshіn daýlasýǵa joqpyn», – degen edі Asha Mataı.
Sonymen qatar ol ózіne qarsy pіkіr bіldіrgen azamattardy pіkіrtalasta bіr-bіrіn jeńýge emes, el ıgіlіgі jolynda ortaq maqsatqa jumys іsteýge shaqyrdy.
Material avtory
