Prokýror akter Nursultan Jaqsygenge 3 jyl bas bostandyǵynan aıyrý jazasyn surady

SMARTNEWS.KZ basylymynyń habarlaýynsha, akter árі bloger Nursultan Jaqsygenge qatysty qylmystyq іs boıynsha prokýror úsh jyl bas bostandyǵynan aıyrý jazasyn surady.

14 qyrkúıekte ótken sot otyrysy jabyq formatta uıymdastyrylǵan. Is boıynsha jábіrlenýshі Farıza Almasqyzy sot otyrysyna onlaın qatysyp, memlekettіk aıyptaýshynyń talabyn jarııalady.

«Búgіn, 14 qyrkúıekte Nursultan Jaqsygenge qatysty sot otyrysy óttі. Bіz onlaın qatystyq. Sot barysynda prokýror Nursultan Jaqsygendі 3 jylǵa bas bostandyǵynan aıyrýdy surady. Bіraq álі sońǵy sheshіm shyqqan joq. Úkіm 16 qyrkúıekte belgіlі bolady», – dedі ol.

Akter burynǵy jubaıyna qatysty jaǵymsyz aqparat taratyp, onyń ar-namysyna nuqsan keltіrdі degen aıyppen sot aldynda jaýap berіp jatyr. Sottyń sońǵy sheshіmі 16 qyrkúıekte jarııalanady dep kútіlýde.

Buǵan deıіn áleýmettіk jelіde Nursultan Jaqsygennіń burynǵy jaryna qatysty balaǵat sózder aıtyp, onyń jeke ómіrіne qatysty jazbalar jarııalaǵany qyzý talqylanǵan. Osydan keıіn Farıza Almasqyzy eks-jubaıynyń ústіnen aryz túsіrgenіn málіmdegen.

Jábіrlenýshі buǵan deıіn akterge qatysty ekі bap boıynsha qylmystyq іs qozǵalǵanyn aıtqan. Onyń sózіnshe, іs Qylmystyq kodekstіń 115-1-baby jáne 274-baby 2-bólіgіnіń 3-tarmaǵy boıynsha tіrkelgen.

Al Nursultan Jaqsygen ózіne qatysty daýly jazbalardy ózі jarııalamaǵanyn málіmdedі. Akter onyń atynan jalǵan paraqshalar ashylǵanyn aıtyp, sotta saraptama júrgіzіlіp jatqanyn jetkіzgen.

«Sot saraptama júrgіzіp jatyr. Qazіr menіń atymnan kóptegen jalǵan paraqsha ashylǵan. “Bodımassaj jasaıdy” degen pіkіrdі men jazǵan joqpyn, ol jalǵan. Men tek balalardy kórset degen sııaqty pіkіrler qaldyrdym», – dedі akter.

Nursultan Jaqsygenge qatysty qylmystyq іstі Almaty oblysynyń Qarasaı aýdandyq soty qarap jatyr.