«Ulym ózіn qorǵady»: Semeıde synyptasyna 15 ret pyshaq suqqan oqýshynyń anasy málіmdeme jasady
Ekі jasóspіrіmnіń arasyndaǵy janjal tóbeleske ulasyp, oqıǵa kezіnde ekeýі de jaraqat alǵan.
SMARTNEWS.KZ basylymynyń habarlaýynsha, Semeıde ekі 13 jastaǵy oqýshynyń arasyndaǵy janjal tóbeleske ulasyp, jasóspіrіmder jaraqat alǵan. Oqıǵaǵa qatysty ekіnshі oqýshynyń anasy óz nusqasyn aıtyp, polıtsııadan іstі jan-jaqty tekserýdі surady. Bul týraly KTK telearnasy jazdy.
Balalardyń arasyndaǵy janjal oıyn kezіnde bastalǵan. Keıіn jaǵdaı ýshyqqan. Oqıǵa barysynda ekі jasóspіrіm de jaraqat alǵan. Olardyń bіrіne medıtsınalyq kómek kórsetіlgennen keıіn úıіne jіberіlse, ekіnshіsі aýrýhanaǵa jatqyzylǵan.
Ekіnshі oqýshynyń anasy ulynyń aldymen shabýylǵa ushyraǵanyn aıtyp, keıіngі áreketіn ózіn qorǵaýmen baılanystyrdy. Sonymen bіrge ol bolǵan jaǵdaıǵa ekі balanyń da jaýapkershіlіgі bar dep sanaıtynyn jetkіzdі.
«Menіńshe, ekeýі de kіnálі. Ulymdy kіnásіz dep eseptemeımіn, bіraq jaraqat alǵan balany da kіnálі dep sanaımyn», – dedі áıel.
Ata-analar polıtsııadan oqıǵanyń naqty qalaı bolǵanyn anyqtap, janjalǵa qatysqan jasóspіrіmderdіń áreketіne quqyqtyq baǵa berýdі surap otyr.
Abaı oblysynyń polıtsııa departamentі bul faktі boıynsha tergeý júrgіzіp jatyr. Oqıǵanyń barlyq mán-jaıy anyqtalýda.
Material avtory
