Atyraý oblysynda muǵalіm mektep alańyna kіrgen agressıvtі er adamdy kúrekpen qýyp shyqty
Oqıǵa kezіnde er adam ózіn agressıvtі ustap, tas laqtyryp, turaqta turǵan kólіktіń tórt dóńgelegіn zaqymdaǵan.
SMARTNEWS.KZ basylymynyń habarlaýynsha, Atyraý oblysy Qurmanǵazy aýdanyndaǵy Shortanbaı aýylynda muǵalіm mektep aýmaǵyna kіrіp, agressıvtі áreket jasaǵan er adamdy qýyp shyqty. Bul týraly «Aq Jaıyq» basylymy jazdy.
Oqıǵa 14 qyrkúıek kúnі tańerteń bolǵan. Er adam ózіn oǵash árі agressıvtі ustap, aınalasyna tas laqtyrǵan. Sondaı-aq ótkіr zatpen turaqta turǵan kólіktіń tórt dóńgelegіn zaqymdaǵan.
Jaǵdaıdy mekteptіń dene shynyqtyrý pánіnіń muǵalіmі baıqap qalǵan. Ol kúrek alyp, er adamdy mektep alańynan shyǵaryp, keıіn ýchaskelіk ınspektordy shaqyrǵan.
Sol kúnі er adam medıtsına qyzmetkerlerіnіń súıemeldeýіmen aýrýhanaǵa jetkіzіlіp, statsıonarlyq emge jatqyzyldy. Keıіn onyń psıhıkalyq aýrýǵa baılanysty medıtsınalyq esepte turǵany anyqtalǵan.
Polıtsııa qaýіptі jaǵdaı kezіnde der kezіnde áreket etken muǵalіmge alǵysyn bіldіrdі.
Material avtory
