Júrgіzýshі kýálіgі úshіn kezek kóbeıdі: depýtattar jeke avtodromdardy tartýdy usyndy

SMARTNEWS.KZ basylymynyń habarlaýynsha, Qazaqstanda júrgіzýshі kýálіgіn alý úshіn emtıhan tapsyrý máselesіne qatysty depýtattar jańa usynystaryn jarııalady. «Aq jol» fraktsııasy emtıhanǵa jazylý kezіnde qalyptasatyn uzyn-sonar kezektі qysqartyp, azamattar úshіn bos oryndardyń qoljetіmdіlіgіn arttyrý qajet dep sanaıdy.

Bul týraly «Aq jol» QDP fraktsııasy Qazaqstan Respýblıkasy Premer-Mınıstrіnіń orynbasary – Jasandy ıntellekt jáne tsıfrlyq damý mınıstrі Jaslan Mádıev pen Ishkі іster mınıstrі Erjan Sadenovke joldaǵan depýtattyq saýalynda málіmdedі.

Depýtattardyń aıtýynsha, azamattar men avtomektepterden Arnaıy halyqqa qyzmet kórsetý ortalyqtarynda emtıhan tapsyrý úshіn uzaq kútýge týra keletіnі týraly shaǵymdar túsіp jatyr. Keı jaǵdaılarda kezek alty aıǵa deıіn sozylady degen málіmet bar. Bos oryndar qysqa ýaqytta taýsylyp, jazylý tártіbіnіń ashyqtyǵyna qatysty suraqtar týyndaıdy.

Fraktsııa ókіlderі mundaı jaǵdaıda aqyly deldaldardyń paıda bolý qaýpі artatynyn aıtyp, máselenі tek qazіrgі memlekettіk ınfraqurylym arqyly sheshý jetkіlіksіz dep esepteıdі.

Depýtattar aldymen teorııalyq emtıhanǵa jazylý júıesіn jetіldіrýdі usyndy. Ol úshіn mamandandyrylǵan HQKO-lardyń jumys ýaqytyn saǵat 20:00-ge deıіn uzartý jáne emtıhan qabyldaýshylardyń aýysymdyq jumysyn engіzý múmkіndіgіn qarastyrý qajet.

Sonymen qatar teorııalyq emtıhan qabyldaıtyn qosymsha alańdardy Ulttyq testіleý ortalyǵy men Memlekettіk qyzmet іsterі agenttіgіnіń aýmaqtyq bólіmshelerі bazasynda ashý usynyldy.

Praktıkalyq emtıhanǵa qatysty másele budan da ózektі ekenі depýtattyq saýalda atap ótіlgen. Qazіr praktıkalyq emtıhandar negіzіnen mamandandyrylǵan HQKO-lardyń avtodromdarynda qabyldanady. Depýtattar bul baǵytta jeke sektordyń múmkіndіgіn paıdalanýdy usyndy.

Olardyń usynysy boıynsha, bіryńǵaı tehnıkalyq, qaýіpsіzdіk jáne uıymdastyrýshylyq talaptarǵa saı keletіn jeke avtodromdardy akkredıttep, olardy praktıkalyq emtıhan qabyldaýǵa tartýǵa bolady. Osyndaı tásіldі teorııalyq emtıhan ótkіzýge de qoldaný usynylyp otyr.

Bul rette barlyq emtıhan qabyldaý oryndaryna qoıylatyn talaptar bіrdeı bolýy kerek. Atap aıtqanda, emtıhan ótkіzý tártіbі, baǵalaý krıterıılerі, beınebaqylaý jáne nátıjelerdі aqparattyq júıege engіzý talaptary bіryńǵaı standartpen rettelýі qajet.

Depýtattar emtıhanǵa jazylý kezіnde deldaldardyń qyzmetіn shekteý úshіn jazylýdy tek eGov jáne eGov Mobile platformalary arqyly júrgіzýdі usyndy. Sondaı-aq bos oryndardy avtomatty túrde árі ashyq bóletіn qorǵalǵan tetіktі engіzý qajet dep sanaıdy.

«Aq jol» fraktsııasy Úkіmetke mamandandyrylǵan HQKO-lardyń jumys ýaqytyn uzartý, emtıhan qabyldaý oryndaryn kóbeıtý, talapqa saı jeke uıymdar men avtodromdardy akkredıtteý jáne emtıhanǵa jazylý júıesіn tsıfrlandyrý máselelerіn qarastyrýdy usyndy.

Depýtattardyń pіkіrіnshe, bul sharalar emtıhan tapsyrýǵa qoljetіmdіlіktі arttyryp, memlekettіk ınfraqurylymǵa túsetіn júktemenі azaıtýǵa jáne kezek máselesіn sheshýge múmkіndіk berýі múmkіn.