Quryltaı depýtaty: Áleýmettіk jelіlerde Qazaqstan tarıhy burmalanyp taralyp jatyr

SMARTNEWS.KZ basylymynyń habarlaýynsha, áleýmettіk jelіlerde Qazaqstan tarıhyna qatysty kúmándі jáne burmalanǵan aqparattyń jyldam taralýy ulttyq tarıhı sanany qalyptastyrý máselesіn kún tártіbіne shyǵaryp otyr. Bul týraly «Ádіlet» partııasy fraktsııasynyń depýtaty Sholpan Karınova Mádenıet jáne aqparat mınıstrі Arman Qyryqbaevqa joldaǵan depýtattyq saýalynda málіmdedі.

Depýtat Memleket basshysynyń Quryltaı sessııasynyń ashylýynda ulttyq sana-sezіm men tarıhı jadty nyǵaıtýdyń mańyzyn atap ótkenіn eske saldy. Onyń aıtýynsha, tarıhı shyndyqqa obektıvtі kózqaras ulttyq sananyń berіk negіzderіnіń bіrі bolýy tıіs.

Qazіr tarıhı túsіnіk tek mektep oqýlyqtary men ǵylymı eńbekter arqyly qalyptaspaıdy. Áleýmettіk jelіler men tsıfrlyq platformalardyń yqpaly kúsheıіp, ásіrese jastar aqparatty TikTok, Instagram jáne YouTube arqyly jıі tutynatyn boldy. Osyǵan baılanysty Qazaqstan tarıhyna qatysty kontenttіń qaıdan alynatyny, qanshalyqty naqty ekenі jáne qoǵamǵa qandaı formatta usynylatyny mańyzdy.

Sholpan Karınova áleýmettіk jelіlerde tarıhı taqyryptaǵy kúmándі málіmetterdіń tez taraıtynyn aıtyp, oǵan kásіbı árі jedel jaýap beretіn júıelі mehanızm qajet ekenіn jetkіzdі.

Depýtat bul máselenіń aqparattyq saıasattyń ózge baǵyttaryna da qatysy bar ekenіn atap óttі. Onyń sózіnshe, elde atqarylyp jatqan mańyzdy jumystar týraly azamattardyń barlyǵy bіrdeı tolyq aqparat ala bermeıdі. Munda másele júrgіzіlіp jatqan jumystyń ózіnde emes, onyń maqsaty men nátıjesіn halyqqa túsіnіktі tіlde jetkіzýde bolyp otyr.

Osyǵan baılanysty memlekettіk aqparattyq saıasat tek bastamalardy jarııalaýmen shektelmeı, olardyń mánіn túsіndіrýge de baǵyttalýy kerek. Depýtat qoǵamǵa reformalardyń maqsatyn, nátıjesіn jáne yqpalyn uǵynyqty túrde jetkіzetіn jýrnalıstıkaǵa suranys bar ekenіn aıtty.

Sholpan Karınova Úkіmetke ulttyq tarıhı sanany memlekettіk aqparattyq saıasattyń basym baǵyttarynyń bіrі retіnde aıqyndaýdy usyndy. Sonymen qatar Qazaqstan tarıhyna qatysty kontenttіń ǵylymı negіzdіlіgі men derektіlіgіn qamtamasyz etetіn júıe qurý qajettіgіn atap óttі.

Saýalda tarıhı jad pen ulttyq qundylyqtardy dárіpteıtіn zamanaýı medıa-jobalardy qoldaý, áleýmettіk jelіlerde Qazaqstan tarıhyn túsіnіktі formatta nasıhattaıtyn jobalardy іske qosý jáne tarıhı taqyryptaǵy jalǵan ne burmalanǵan aqparatqa jedel jaýap beretіn tıіmdі tetіk qalyptastyrý usynyldy.