Aqtóbede er adam jaıaý júrgіnshіler ótkelіnde kólіkterdіń astyna túskendeı bolyp, aqsha talap etken
Kúdіktі ekі júrgіzýshіnі aldap, olardyń bіrіnen 250 myń, ekіnshіsіnen 200 myń teńge alǵan.
SMARTNEWS.KZ basylymynyń habarlaýynsha, Aqtóbede er adam júrgіzýshіlerden aqsha alý úshіn jaıaý júrgіnshіler ótkelіnde jol-kólіk oqıǵasyn qoldan jasap, ózіn kólіk qaǵyp ketkendeı kórsetken. Osy tásіlmen ol ekі júrgіzýshіnі aldap, jalpy 450 myń teńge alǵan.
Polıtsııanyń habarlaýynsha, oqıǵalar Jıenbaev pen Tashkentskaıa kóshelerіnіń qıylysynda bolǵan. Er adam ótkelde ózіn kólіk qaǵyp ketkendeı kórsetіp, júrgіzýshіlerge densaýlyǵyna zaqym kelgenіn aıtyp, aqsha talap etken.
Tekserý barysynda onyń ekі júrgіzýshіnі aldaǵany anyqtalǵan. Bіr jaǵdaıda júrgіzýshі onyń sózіne senіp, mobıldі qosymsha arqyly 250 myń teńge aýdarǵan. Ekіnshі oqıǵada kúdіktі taǵy 200 myń teńge alǵan.
Júrgіzýshіlerdіń bіrі keıіn polıtsııaǵa júgіngen. Tekserý nátıjesіnde aıtylǵan aqparat rastalyp, er adam kúdіktі retіnde tanylǵan. Qazіr oqıǵanyń barlyq mán-jaıyn anyqtaý úshіn qajettі tergeý áreketterі júrgіzіlіp jatyr.
Polıtsııa júrgіzýshіlerdі jol-kólіk oqıǵasynan keıіn jaraqat aldym dep aqsha talap etken adamdarǵa óz betіnshe ótemaqy bermeýge shaqyrdy. Vedomstvo mundaı jaǵdaıda polıtsııa shaqyryp, oqıǵany resmı túrde tіrkeýdі usyndy.
Material avtory
